Read Makhuwa-Shirima 2 Nyaha 36 Bible Online

2 Nyaha 36 - Makhuwa-Shirima bible

2 Nyaha 36

¹Muloko waamukuxa Yehowahazi, mwaana mulopwana a Yosiya, onamvara omwene wa oYerusaleemu, erandelo ya atithawe.

²Yehowahazi aapaceraawe olamula aarino iyaakha miloko miili ni tthaaru sa oyariwawawe, analamula oYerusaleemu nyeeri miraru.

³Mwene a wExipitu aamukuruxa vahiceni ya emwene, alamulaka oYuda oliva musoko wa itonelada* tthaaru ni eriyari ya etonelada* sa eparatha* ni ikiilu* miloko miraru niithanu sa eyuuma yoorikaxa.

⁴Mwene a wExipitu aamvara omwene Eliyakimi, munneiye Yehowahazi, weera alamule oYuda ni oYerusaleemu, anamuceendya nsina amuttehaka Yehoyakimi. Vaheera Neko aamukuxa Yehowahazi, munneiye Eliyakimi, anamurongha wExipitu.

⁵Yehoyakimi aapaceraawe olamula aarino iyaakha miloko miili niithanu sa oyariwawawe, analamula oYerusaleemu iyaakha muloko niimoha. Owo aapaka soonanara vamaithoni wa Yave, Mulukwaawe.

⁶Nebukadenezari mwene a oBabiloniya, aangwanano, anamutthuka ni onyooro wa ebronze* weera amuronghe oBabiloniya.

⁷Aarowanotho oBabiloniya ikaruma sa Mpaani mwa Yave, aniikaathi mpaani mwa milukusawe.

⁸Sookhumelela sikina iyo sa olamula wa Yehoyakimi, itthu soowoopiha opankaawe ni sootheene ophwanyaniwaawe, silempwale mulivuruni sa nyaha sa mamwene a oYixrayeli ni oYuda. Aamurandenle ti Yehoyakini, mwaniye mulopwana.

⁹Yehoyakini aapaceraawe olamula, aarino iyaakha muloko niithannatthaaru sa oyariwawawe, analamula oYerusaleemu nyeeri miraru ni mahuku muloko. Owo aapaka soonanara vamaithoni wa Yave.

¹⁰Mweehuhuni ya ottuva, mwene Nebukadenezari aalamulela Yehoyakini oronghiwa oBabiloniya, vamoha ni ikaruma saakhumihiwe Mpaani mwa Yave, anamvara omwene Zedekiya, atatawe Yehoyakini, weera alamule oYuda ni oYerusaleemu.

¹¹Zedekiya aapaceraawe olamula, aarino iyaakha miloko miili niimoha sa oyariwawawe, analamula oYerusaleemu iyaakha muloko niimoha.

¹²Owo aapaka soonanara vamaithoni wa Yave, Mulukwaawe, ni khiiyevinghe ohoolo wa mprofeeti Yeremiya, mwa yoowo aamuulumela mpatta wa Yave.

¹³Aamurukunuwelatho mwene Nebukadenezari, mwa yoowo aamunyesereringhe olipela mwa Nsina na Muluku. Aathatuwa oottiyaxa maaru ni oowuuma murima, ahitthunaka ohokoleela wa Yave, Muluku a oYixrayeli.

¹⁴Ohiya yeeyo, ahooleli ootheene a asaserdoti* ni muloko, yaamweera otepa ohiroromeleya, ettharaka ipakelo sootheene soothanyeya sa miloko sikina, evalihaka Empa ya Yave, aatteelinghaawe oYerusaleemu.

¹⁵Yave, Muluku a makholowaaya, aawoopererasa imaara sincipale mwa anamitthengaawe, niwoko Owo aamorela ikharari mulokwaawe ni woomakawawe.

¹⁶Vaheera awosa yaahaatthebwa anamitthenga a Muluku, enanyoosa maswaawe, ewuulihihaka muru maprofeetaawe, mpaka isara sa Yave opattela mulokwaawe, ni khawaariworu osemba nthorihelo.

¹⁷Yave aahaarumihelasa mwene a oBabiloniya, mwa yoowo aawiivale ni ekatana amiravowaaya vaNipuroni Nootteela*. Khaawuurenleru hata amiravo naari asimwali, atokweene naari mamookwaaxa. Muluku aawinnyererasa ootheene awo mmatatani mwa Nebukadenezari.

¹⁸Owo aarongha oBabiloniya ikaruma sootheene sa Mpaani mwa Muluku, okhuma ikhaani mpaka itokweene, vamoha ni mihakhu sa Mpaani mwa Yave, sa mwene ni sa asitokweenaawe.

¹⁹aBabiloniya yaahisa Empa ya Muluku, enakurumula exiri ya oYerusaleemu; yaahisa impa sa emwene sootheene, enaphwata ikaruma soorikaxa sootheene saarimo.

²⁰Nebukadenezari aahaarongha wootthukiwani oBabiloniya yaawo yaahalahanle yoopowaka ekatana, weera ekhale ipotthasawe ni sa ekhapiraawe, mpaka mweehuhuni ya olamula wa aPersiya.

²¹Elapo yaahuleleya wiitthuuwa wa iSaabadu; yaahiitthuuwa mweehuhuni yootheene ya oheleya nthala, mpaka ophiyera iyaakha miloko mithannamiili, ekwanihereyaka masu a Yave, yaahimmwale mwa Yeremiya.

²²Vayaakhani yoopacera ya olamula wa Siru, mwene a oPersiya, weera ekwanihereye masu yaalaleiwale ni Yeremiya, Yave aatava murima wa Siru, mwene a oPersiya, weera alaleiye mukarattani elapo yootheene aalamulaawe moota ola:

²³“Miyo Siru, mwene a oPersiya, kinghima ha: ‘Yave, Muluku a wiirimu, ookivaha omwene wootheene wa mulaponi, anakithanla weera kimutekele Empaawe oYerusaleemu, mulaponi ya oYuda. Ootheene ari a mulokwaawe, eroweke oYerusaleemu, ni weera Yave, Mulukwaaya, akhale ni yaawosa.’ ”