Read Makhuwa-Shirima Ezera 6 Bible Online

Ezera 6 - Makhuwa-Shirima bible

Ezera 6

¹Vano mwene Dariyexi aalamulela owehawehiwa munamalepelani a oBabiloniya aari omuhakhuni wa emwene oBabiloniya.

²Elivuru yooneleliwe musidadeni yoolipihiwaxa yiitthaniwa wEkebatana, elapo ya Mediya ni mulivurini ele yaalepwa ha:

³Vayaakhani yoopacera ya olamula wa mwene Siru, owo aavaha ekano mwaha wa Empa ya Muluku oYerusaleemu: Empa ya Yave eraseliwe weera sipakiwemo sooveleela; mathipelowaaya yatekiwe. Orakamelawaya okhaleke imeetru* miloko miili niithannapiili ni mweekhuveelonimwayatho.

⁴Eraseliwe ni misera miraru sa maluku matokotoko ni mmoha wa itthaabwa. Muteko wootheene owo oliviweke ni muhakhu wa emwene.

⁵Ohiya yeeyo, ikaruma sa eyuuma yoorikaxa ni sa eparatha* sa empa ya mwene oYerusaleemu mwa seiye Nebukadenezari aakuxalaawe Mpaani mwa Muluku oYerusaleemu aruuhaka oBabiloniya sihokoloxeriweke mmapuronimwaya Mpaani mwa Muluku oYerusaleemu. Siikaathiweke mwemmo.

⁶Vano Tatenai, guvernadori a ilapo sa okhopela mooloko Efratesi, Xetari-Bozenai vamoha ni asitokweene akina a ilapo sa okhopela mooloko Efratesi — mwasusewo!

⁷Muhikacamihe muteko omvariwa Empeene yeeyo ya Muluku. Guvernadori asitokweene a aYuda yaraseleke Empeene yeeyo ya Muluku vanipuroniwaya na khalayi.

⁸Ohiya toko yeeyo, miyo kinlamulela weera mwaakhavihere asitokweene a aYuda mooraselani wa Empa ya Muluku. Kinlamulelatho weera miteko sootheene sa atthweene yaawo siliviwekeno omuhakhuni wa emwene ni misoko sinaakheliwa sa ilapo sa okhopela mooloko Efratesi weera muteko oheemele.

⁹Khula nihuku mwaavaheke asaserdoti* a oYerusaleemu sootheene sintthuneya ompakela Muluku a wiirimu sooveleela soohisa, sikhalaka imombe ilopwana, anapunci, ikhondoolo ilopwana sikhaani, vamoha ni etrigu, maakha, eviinyu ni makhura. Vano mwaavaheke woohicombela.

¹⁰Hiiho awosa empakele Muluku a wiirimu sooveleela soomusiveliha ni emvekelele mpuha mwene ni anamwanaawe.

¹¹Kinlamulelatho weera akhala mukina anaarambure ekano ela, wakuxiwe mukhukulu owannyawe, aswanyeriweno. Vano empaawe yatatuxiwe ettuxo.

¹²Vano Muluku mwa Yoowo aalakenle weera Nsinanawe nikhalewo, amphwate akhalaru mwene hoye hoye muloko oneera weerere oceendya ekano ela naari ophwata Empa ya Yave oYerusaleemu. Miyo, Dariyexi koolaleiya ekano ela. Vano ettharihiweke nnenesene.

¹³Vano, yaakhelakaru ekano ya mwene Dariyexi, Tatenai, guvernadori a ilapo sa okhopela mooloko Efratesi, Xetari-Bozenai, vamoha ni asitokweene akina yaakwanihera ekanoweene yeele moota woomalela.

¹⁴Vano asitokweene a aYuda yannapwaherera oteka ni weeteteela nnenesene ni olipiheya murima niwoko na olaleiya wa maprofeeti Hagai ni Zakariya a ekhapira ya Ido. Yaamalihera otekiwa wa Empa ya Yave ntoko Muluku a aYixrayeli aalamulenlaawe ni ettharaka ikano sa Siru, Dariyexi ni Aritaxaxete, mamwene a oParesi.

¹⁵Empa ya Yave yaamalihiwe munihukuni nanaararu na mweeri wanaararu oniitthaniwa Adari, vayaakhani yanaathannamosa ya olamula wa mwene Dariyexi.

¹⁶Vahoolowaya muloko wa aYixrayeli — asaserdoti*, aLeevi ni ootheenaawo yaahokolongwe wootthukiwani yaapaka efesta, ehakalalelaka otteelihiwa wa Empa ya Muluku.

¹⁷Wootteeliheriwani Empa ya Muluku yaapaka sooveleela yiivaka imombe ilopwana ncira, anapunci macira meeli, ikhondoolo ilopwana sikhaani macira maxexe, ni wa soottheka wa aYixrayeli ootheene yaahiiva ipuri ilopwana muloko ni piili — emoha wa khula epuumba ya aYixrayeli.

¹⁸Vano yaahaakhaliha asaserdoti* mmipattanimwaya ni hiihotho aLeevi mmikuttulanimwaya wa omurumeela Muluku oYerusaleemu, ettharihaka yeeyo elempwale mulivuruni ya Nlamulo na Moisesi.

¹⁹Munihukuni na naamuloko ni maxexe na mweeri woopacera anamatthukiwa aYixrayeli yaapaka efesta ya mPaska*.

²⁰Asaserdoti* ni aLeevi yaahiitteeliha ni yaari ootteela, ettharihaka soonyesereriwasaya sa otteela. aLeevi yaahiiva eputtiputthi ya mPaska* wa anamatthukiwa aYixrayeli ootheene, wa axunnaya asaserdoti* ni wa asineenaaya.

²¹Hiiho aYixrayeli yaahokolongwe wootthukiwani yaahooca vamoha ni ootheene yaale yiitteelinghe mwa soopakiwa soohitteela sa aximwaattamanaaya anamarwa weera emwaasaase Yave, Muluku a aYixrayeli.

²²Yaapaka efesta ya epaawu yoohikhalano eferementu mmahukuni mathannameeli niwoko Yave aahaasariha ohakalala wooceendya murima wa mwene a wAsiriya moota wooweera mwene ole aahaakhavihera yaawo ni otekiwa wa Empa ya Muluku, Muluku a aYixrayeli.