Read Makhuwa-Shirima Nehemiya 7 Bible Online

Nehemiya 7 - Makhuwa-Shirima bible

Nehemiya 7

¹Emalihiwakaru oraseliwa exiri ni kiiyaatherakaru masele mmapuronimwaya, yaakhalihiwa anamalipelela a milako, anamwiipa ni aLeevi.

²Kaamukhaliha munnaka Hanani ntoko namalamula a oYerusaleemu vamoha ni Hananiya, mutokweene a esidade yoolipaxa, niwoko aari mulopwana oororomeleya, amoovaka Muluku waapwaha atthu ancipale akinaawo.

³Kaaweerela: “Milako sa oYerusaleemu sihihuliweke nsuwa nihinaaye okhuma. Anamalipelela a milako nlelo elipelelaka, ewaleke milako ni ekokotteleke. Kaahaathanlatho amaki a oYerusaleemu weera elipelele — akina yeemeleleke exiri; akina ohoolo wa impasaya.”

⁴Vano, esidade yaari etokotoko ni yoothanuwa, mene yaamankemo yaari vakhaani. Vanonto, impa iyo seera sihinaaye oraseliwa.

⁵Mulukwaaka aahela mmurimanimwaka waathukumanyiha maneethi, asitokweene ni muloko wootheene weera kaalepele emusi emusi. Kaaphwanya elivuru ya masina ootheene a yaale yaapacenre ohokoleela. Vano masina kaaphwannyaaka elempwaleenemo ti ala:

⁶Ala ti atthu a elapo ele yaahokolongwe woovariwani, mwa yaawo Nebukadenezari, mwene a oBabiloniya, aavanraawe aaronghaka elapwaawe. Awo yaahokoleela oYerusaleemu ni oYuda, khula mutthu muttetthaawe.

⁷Yaahooliwe ni Zerubabeli, Yexuwa, Nehemiya, Azariya, Rahameya, Nahamani, Mordekai, Bilexani, Miseperete, Bigivai, Nehumi ni Bahana. Vano waatta wa aYixrayeli waari ha:

⁸ekhapira ya Paroxi, atthu 2 172,

⁹ya Xefateya macira mararu ni miloko mithannamiili ni atthu eeli,

¹⁰ya Ara macira mathannamosa ni miloko mithanu ni atthu eeli,

¹¹ya Pahati-Mowabe, etthariheleyaka emusi ya Yexuwa ni Yowabi, 2 818,

¹²ya Elami 1 254,

¹³ya Zatu macira mathannamararu ni miloko mixexe ni athanu,

¹⁴ya Zakai macira mathannameeli ni miloko mithannamosa,

¹⁵ya Bavai macira mathannamosa ni miloko mixexe ni athannaararu,

¹⁶ya Bebai macira mathannamosa ni miloko miili ni athannaararu,

¹⁷ya Azegade 2 322,

¹⁸ya Adonikami macira mathannamosa ni miloko mithannamosa ni athanneeli,

¹⁹ya Bigevai 2 067,

²⁰ya Adini macira mathannamosa ni miloko mithanu naathanu,

²¹ya Ateri etthariheleyaka emusi ya Hizekiya miloko mithannamixexe ni athannaararu,

²²ya Haxumi macira mararu ni miloko miili ni athannaararu,

²³ya Bezai macira mararu ni miloko miili ni axexe,

²⁴ya Harifi ncira ni muloko mmoha ni atthu eeli,

²⁵ya Gibiyoni miloko mithannamixexe ni athanu,

²⁶asilopwana a oBeteleheemu ni oNetofa ncira ni miloko mithannamiraru ni athannaararu,

²⁷asilopwana a wAnatoti ncira ni miloko miili ni atthu athannaararu,

²⁸asilopwana a oBet- Azemaveti miloko mixexe ni atthu eeli,

²⁹asilopwana a oKiriyati-Yeharimi, oKefira ni oBeheroti macira mathannameeli ni miloko mixexe ni atthu araru,

³⁰asilopwana a oRama ni oGeba macira mathannamosa ni miloko miili ni mutthu mmoha,

³¹asilopwana a oMikemasi ncira ni miloko miili ni atthu eeli,

³²asilopwana a oBeteli ni wAi ncira ni miloko miili ni atthu araru,

³³asilopwana a elapo ekina yiitthaniwatho oNebo miloko mithanu ni atthu eeli,

³⁴ekhapira ya Elami mukina 1 254,

³⁵ya Harimi macira mararu ni miloko miili,

³⁶ya oYeriko macira mararu ni miloko mixexe ni athanu,

³⁷ya Lodi, Hadidi ni wOno macira mathannameeli ni miloko miili ni mutthu mmoha,

³⁸ya Senaha 3 930.

³⁹Asaserdoti*: ekhapira ya Yedaya etthariheleyaka emusi ya Yexuwa macira mathannamaxexe ni miloko mithannamiili ni atthu araru,

⁴⁰ya Imeri 1 052,

⁴¹ya Paxehuri 1 247,

⁴²ya Harimi 1 017.

⁴³aLeevi: ekhapira ya Yexuwa, etthariheleyaka emusi ya Kademiyeli mwa Hodeva, miloko mithannamiili ni axexe.

⁴⁴Anamwiipa: ekhapira ya Asafi ncira ni miloko mixexe ni athannaararu,

⁴⁵anamalipelela a Empa ya Muluku: ekhapira ya Xalumi, Ateri ni Talemoni, Akubi, Hatita ni Xobai ncira ni miloko miraru ni athannaararu.

⁴⁶Arumeiyi a Empa ya Muluku: ekhapira ya Ziha, Hasufa, Tabayoti,

⁴⁷Kerosi, Siya, Padoni,

⁴⁸Lebana, Hagaba, Xalema,

⁴⁹Hanani, Gideli, Gahari,

⁵⁰Rehaya, Rezini, Nekoda,

⁵¹Gazami, Uza, Paseiya

⁵²Besai, Mehunimi, Nefuximi,

⁵³Bakebuki, Hakufa, Harehuri,

⁵⁴Bazeliti, Mehida, Harexa,

⁵⁵Barekosi, Sisera, Tema,

⁵⁶Neziha ni Hatifa.

⁵⁷Ekhapira ya arumeiyi a Salomoni: ekhapira ya Sotai, Sofereti, Perida,

⁵⁸Yahala, Darekoni, Gideli,

⁵⁹Xefateya, Hatili, Pokereti-Hazebayimi ni Amoni.

⁶⁰Arumeiyi a Empa ya Muluku ni ekhapira ya arumeiyi a Salomoni macira mararu ni miloko mithannamixexe ni atthu eeli.

⁶¹Yaawo yaaphiyale mmittettheni sa oTeli-Mela, oTeli-Harexa, oKerubi, wAdoni ni wImeri, mene ehiweraka woonihereya weera imusisaya saari ikhapira sa aYixrayeli

⁶²ekhapira ya Delaya, Tobiya ni Nekoda macira mathannamosa ni miloko mixexe ni atthu eeli.

⁶³Variyari wa asaserdoti*: ekhapira ya Habaya, Hakozi ni Barezilai, mwa yoowo aamuthenle mwaana a Barezilai, muGiliyade, ni iitthaneliwa nsina nenenenne.

⁶⁴Atthu ale yaahaasaasa masinaaya mulivuruni ya imusi, mene khayaaphwannye ni yaahiihiwa okhala asaserdoti* yeenre yahitteela.

⁶⁵Tivawo guvernadori aalamulenlaawe weera ehicaseke sooveleela sootteelaxa mpaka aneeraawe musaserdoti* avareleke muteko Urimi ni Tumimi* weera ekhaikhai esuwanyeye.

⁶⁶Ootheene yaale yaalepeliwe yaari 42 360,

⁶⁷waahiya arumeiyaaya asilopwana ni asithiyana 7 337. Yaahaakhalanotho anamwiipa asilopwana ni asithiyana macira meeli ni miloko mixexe ni athanu.

⁶⁸Yaakhalanotho ikavalu* macira mathannameeli ni miloko miraru niithannamosa, amula* macira meeli ni miloko mixexe ni athanu,

⁶⁹ikamelu* macira maxexe ni miloko miraru niithanu, ni abuuru 6 720.

⁷⁰Mapwattapwattha makina a imusi iye yaacaangela muteko. Guvernadori aaveleela sa muteko ole idrakema* macira muloko sa eyuuma yoorikaxa, ibasiya miloko mithanu ni ikuwo sa esaseredoti macira mathanu ni miloko miraru.

⁷¹Mapwattapwattha makina yaaveleela idrakema* 20 000 sa eyuuma yoorikaxa ni imina* 2 200 sa eparatha* weera sivareliweke muteko.

⁷²Atthu akinaawo yaaveleenle idrakema* 20 000 sa eyuuma yoorikaxa, imina* macira miloko miili sa eparatha* ni ikuwo sa esaseredoti miloko mithannamosa niithannapiili.

⁷³Asaserdoti*, aLeevi, anamalipelela a milako, anamwiipa ni arumeiyi a Empa ya Muluku vamoha ni mpatta wa muloko ni aYixrayeli akinaawo yaahiitekiha mmittetthenimwaya.