Read Makhuwa-Shirima Okhuma 14 Bible Online

Okhuma 14 - Makhuwa-Shirima bible

Okhuma 14

¹Vano Yave aamweerela Moisesi:

²“Mwaalamule aYixrayeli weera evenye akonenlaaya ni yakonele woowaattamela oPi-Hahiroti, eriyari ya oMigedoli ni ephareiya. Ekoneleke mukerekhere ephareiya okhopela oBahal-Zifeyoni.

³Farawu* onimuupuwela: ‘aYixrayeli anxoraxora oopupurumeene erukureeriweene nikare.’

⁴Vano nkuumihe murima wa Farawu* ni owo onimwaatthimakela. Wa soothesene, Miyo nkittottopeliwe mwa Farawu* ni anakhottwaawe ootheene, ni awExipitu ootheene anoosuwela weera Miyo ti Yave.” Vano aYixrayeli yaapaka hiiho.

⁵Aathaliheriwa mwene a wExipitu weera aYixrayeli aatthawa. Farawu* ni anamalakaawe yaaceendya soowuupuwelasaya yeeraka: “Nipankeni? Nohaatthunihera aYixrayeli orowa ni vano nooyeleela ipotthasahu!”

⁶Hiiho Farawu* aarumiha olikanxiwa ekaarwaawe ya ekavalu*, anaarowano anakhottwaawe.

⁷Aakuxa ikaaro sa ikavalu* macira mathannamosa sooreerela vamoha ni ikaaro sa ikavalu* sootheene sikina sa wExipitu; khula ekaaro ni mutokweene.

⁸Yave aahuumiha murima wa Farawu*, mwene a wExipitu, ni owo aahaatthimakela aYixrayeli, mwa yaawo yeetta moowinani.

⁹awExipitu ni ikavalu*, ikaaro sa ekhotto sootheene sa Farawu*, vamoha ni anamweettiha a ikavalu* nitho anakhotto yaavenya yaatthimakelaka aYixrayeli. Vano yaahaaphwanya yaakonenlaayawo mukerekhere ephareiya ya oPi-Hahiroti, okhopela wa oBahali-Zifeyoni.

¹⁰Farawu* awaattamelaka, aYixrayeli yaaweha, enawoona awExipitu yaarweelasaka. Yaahoova vancipale, enamukhuwelela Yave.

¹¹Yaamweerela Moisesi: “Yaahaleela mahiyaahu wExipitu muniruuhenlaanyu weera nikhwe munikareni? Munipankeni munivenxaka wuuwu?

¹²Hiyo nireene nlelo wExipitu naahooleelani: ‘Munihiyeke nikhale ipottha sa awExipitu. Fataari naari ipottha sa awExipitu ohikhanle okhwa munikareni!’”

¹³Moisesi aaweerela: “Muhoove, mminye murima ni moone olelo ovuluxa wa Yave. awExipitu mungwoonaanyu olelo khamurwa ngwoonatho.

¹⁴Yave onoowana aweerelakani nyuwo — mweereke omaala paahi!”

¹⁵Vano Yave aamweerela Moisesi: “Nyuwo munkikhuwelela heeni? Mwaaleele aYixrayeli weera epwaherere!”

¹⁶Mutheteye ekopwaanyu ni mookolele moonowaanyu mphareiya ni maahi anookawanyeya weera aYixrayeli elapuwe vatthayani yoowuumeene.

¹⁷Wa soothesene, Miyo kinimuumiha mirima sa awExipitu ni awosa animoottharelelani. Kinimwaakhela ovuwa moomphwatani Farawu*, anakhottwaawe ootheene, ikaarosawe sa ekhotto ni anamweettiha a ikavalu*.

¹⁸awExipitu anoosuwela weera Miyo ti Yave kaavuwihiwaka moomphwatani Farawu*, ikaarosawe sa ekhotto ni anamweettiha a ikavalu*.”

¹⁹Vano ndyelo a Muluku aahoolela anakhotto a aYixrayeli aavenya, anaakhalela ottuliwaaya. Hiihotho nrimbu na mahutte naavenya ohoolowaya, nnaakhalelatho ottuliwaya

²⁰variyari wa awExipitu ni aYixrayeli. Nrimbu naaruuhela epiphi wa awExipitu ni waara wa aYixrayeli. Hiiho awExipitu khayaawenre owaattamela aYixrayeli ohiyu wootheene.

²¹Vano Moisesi aahookolela moonowaawe mphareiyani ni Yave aakawanyiha ephareiya, anatatuxa etthaya yoowuuma ni epheyo etokotoko yaaweela ninkhuma nsuwa yoopale ohiyu wootheene. Maahi yaakawanyeya

²²ni aYixrayeli yaalapuwa ephareiya vatthayani yoowuuma sireene ixiri sa maahi moono mulopwana ni muthiyana.

²³awExipitu yaahaattharelela ni ikavalu* sootheene, ikaaro sa ekhotto ni anamweettiha a ikavalu* sootheene sa Farawu* mpaka eriyari ya ephareiya.

²⁴Oxiiyeene Yave aawona anakhotto awExipitu vanrimbuni na mahutte ni mooro ni aahaarukureerihasa nyuru.

²⁵Aakhuliha mareko a ikaarosaya moota wooweera yaakhalano makacamiho ooweettiha. Vano awExipitu yaaheerelana: “Nrowe naatthawe aYixrayeli! Yave ongwana ni hiyo aweerelaka yaawosa!”

²⁶Vanonto Yave aamweerela Moisesi: “Mookolele moonowaanyu mphareiyani weera maahi yaakhuneele awExipitu, ikaarosaya sa ekhotto ni anamweettiha a ikavalu*.”

²⁷Moisesi aahookolela moonowaawe mphareiyani ni nsuwa nikhumaka ephareiya yaawalana. awExipitu yaatthawaaya yaakumana maahi ni Yave aahaamirengha mphareiya.

²⁸Maahi yaakhuneela ikaarosaya sa ekhotto, anamweettiha a ikavalusaya* nitho anakhotto ootheene a Farawu* yaattharelenle aYixrayeli mpaka mphareiya. Khawowo aahanle ni okumi.

²⁹Vaheera aYixrayeli yaalapuwasa ephareiya yeettaka vatthayani yoowuuma sireene ixiri sa maahi moono mulopwana ni muthiyana.

³⁰Nihuku nne Yave aahaavuluxa aYixrayeli mmatatani mwa awExipitu ni aYixrayeli yaawoona awExipitu ookhweene mphareiya.

³¹aYixrayeli yaahoonasa ikuru sitokotoko sa Yave aawananaka awExipitu, yaamoova Yave ni yaamuroromela Yoowo nitho murumeiyaawe Moisesi.