Read Makhuwa-Shirima Okhuma 17 Bible Online

Okhuma 17 - Makhuwa-Shirima bible

Okhuma 17

¹Muloko wootheene wa aYixrayeli waattimula onikareni na oSini, weeraka okhelanno okhelanno, ottharihaka Nlamulo na Yave. Vano waakonela oRefidimi, mene iwe khayaariwo maahi oowura.

²Niwoko nenenenno aYixrayeli yaamuttaandawula Moisesi emunyesereraka: “Munivahe maahi niwure!” Moisesi aawaakhula: “Munkittaandawulela heeni? Mummootela heeni murima Yave?”

³Mulokotho ovoliweene ntthona waamuttaandawula Moisesi omweerelaka: “Muniruuhenle heeni wExipitu? Muniruuhenle weera nikhwe ntthona — hiyo, anamwaniihu ni mihuwosahu?”

⁴Vano Moisesi aahiikhupanyera wa Yave eeraka: “Nkeeriheni muloko ola? Ohanle vakhaani okivonya maluku!”

⁵Yave aamwaakhula: “Murowe ohoolo wa muloko. Muroweno asitokweene a aYixrayeli mukuxaleene ekopo yeele mwaammanenlaanyu mooloko Nilo, ni muroweke ohoolo.

⁶Miyo kinimoowehererani vamwala vamwaako Horebi. Mwamane mwala, ni vawo anookhuma maahi oowura muloko.” Moisesi aapaka hiiho vamaithoni wa asitokweene a aYixrayeli.

⁷Owo aatteha nipuro nne Masa ni Meriba, niwoko iwe aYixrayeli yaattaandawula emootaka murima Yave, yeeraka: “Yave ori ni hiyo, hoye hoye khakhanle?”

⁸Vano awAmaleki yaahaarweela waawanano aYixrayeli oRefidimi.

⁹Moisesi aamweerela Yoxuwa: “Mwaathanle anakhotto akina a atthwaahu ni murowe mwaawaneno awAmaleki. Omaalo kinimweemela vasulu wa nttumuxa ni ekopo ya Muluku mmatatanimwaka.

¹⁰Hiiho Yoxuwa aarowa waawanano awAmaleki ntoko Moisesi aamulamulenlaawe, vaheera Moisesi, Aharoni ni Huri yaawelasa osulu nttumuxa.

¹¹Ehuhu yootheene Moisesi eemexaawe nyoono, aYixrayeli yaahaleela owina, mene imaara sootheene aakuruxaawe nyoono, awAmaleki yaahaleela owina.

¹²Moisesi saamuumaaya nyoono, awosa yaakuxa nluku, emwiikaatheraka vathiwawe weera akilaathele. Aharoni ni Huri yaattukhulela nyoono sa Moisesi osulu — mmoha moono mulopwana ni mukina muthiyana. Hiiho nyoonosawe saapwaherera soottukhuleyeene mpaka oneela nsuwa.

¹³Vano Yoxuwa aahaawina anakhotto a awAmaleki ni ekatana.

¹⁴Yave aamweerela Moisesi: “Mulepe yeeyo mulivuruni ntoko etthu yoowuupuwelela ni munthalihere nnenesene Yoxuwa weera awAmaleki nkaakhalihe oottiwaliwa mweelaponi yootheene.

¹⁵Moisesi aahaateka altaari*, anaatteha: Yave Nisi*

¹⁶Aaheera: “Matata yaawelihiwa ohoolo wa ehice ya wiirimu. Yave onnaawanano awAmaleki khula ekhapira.