Read Makhuwa-Shirima Yobi 12 Bible Online

Yobi 12 - Makhuwa-Shirima bible

Yobi 12

¹Vano Yobi aahaakhula:

²“Woohihovela nyuwosa muri asuweli xaxaxa ni mwakhwa, miruku sinimookhwatho!

³Vaheera miyo kookhalano iseru ntoko nyuwo; nkihiyono mukhaanaanyu. Taani ohisuwenle itthusene seiya?

⁴Kiri mutheelelo wa amwaattamanaaka! Koomvekela Muluku weera akaakhule ni ankitthebwa miyo kireene oowookoleleya ni oororomeleya!

⁵Yaawo ampuha, anaaveiha yaawo oowuulihiheya muru. Anaakakha yaawo anghaleela omora.

⁶Iheema sa atakhali simmweetteleya nnene, ni ahinimpwattha Muluku ankhala oolipeene ekuxaka milukusaya mmatatanimwaya.

⁷Wa soothesene, mwaakohe axinama, ni awosa animooxuttihani, hoye hoye ipalame ni iyo sinimoothaliherani;

⁸muulume ni etthaya, ni eyo enimooxuttihani, muhiye sooleelakani ihopa sa mphareiya.

⁹Taani a sootheene iyo ohisuwenle weera ti ntata na Yave nipanke yeeyo?

¹⁰Okumi wa soopattuxiwa sootheene ori mmatatanimwawe nitho ngwiya wa omutthu wootheene.

¹¹Naaru nnoowera okawanyiha masu ntoko nlumi ninthanlaaya osiva wa yooca.

¹²Miruku simphwanyiwa eriyari ya anamuuluvala. Okhalano okumi mwincipale onooruuha wiiwexexa.

¹³Ti Muluku orino miruku ni owera; olaka ni wiiwexexa ti wawawe.

¹⁴Yeeyo Owo omphwataawe, kheenraseleya; yoowo Owo onimvaraawe, khaawo angwera omutapuxa.

¹⁵Owo aahirupiha epula, anthowa maahi; arupihaxa epula, antothowa maahi.

¹⁶Ikuru ni miruku ti sawawe; okhuma oolokotthiwa mpaka oolokottha, anlamuliwa ni Yoowo.

¹⁷Owo onaahuhula ni onaakuruxa anamalaka, ni aphuki onaatatuxa alolo.

¹⁸Owo onaataphula mamwene alaambaaya a emwene; onaahiya ttewu ohoolo wa ootheene.

¹⁹Onaarongha aarulaka asaserdoti*, onaahela nthala atthu yaari vanipuroni noolipa.

²⁰Ommaaliha iyano sa anamalaka oororomeleya, omvenxa iseru sa ahooleli a muloko.

²¹Onaayeehera onyoosiwa maneethi, ni ongwaakha ikapwitthi aweri.

²²Onthupulula mpiphini itthu soowiixera, anaruuhela waara mpiphini mooriipihana.

²³Onunnuwiha miloko, anaphwata; onaattiha miloko, anamwaraxa.

²⁴Onaavirikanyiha akhili a asitokweene a mulaponi, anaathweeleliha woomalela munikareni.

²⁵Aneetta piphiripiphiri mpiphini woohikhalaru waara; Owo onaaveveleiha ntoko anamuhapaliwa.