Read Makhuwa-Shirima Yobi 18 Bible Online

Yobi 18 - Makhuwa-Shirima bible

Yobi 18

¹Vano Bilidade, muXuhi, ahaakhula:

²“Mmuhiyerere yaakhani wuuluma? Mweettele miruku, vahoolowaya nitthekuleke.

³Heeni onoonelaka ntoko axinama, aani ntoko axinama masikini?

⁴Ii, nyuwo, muniinyaanya musarinimwanyu! Elapo ethaamiweke mwaha wa nyuwo? Hoye hoye nyala sithaameke mmapuronimwaya?

⁵Muthuko wa mutakhali oncipihiwa, ni malumi a moorowaaya anrimihiwa.

⁶Muheemanimwawe enookhala epiphi; omwaleelawawe onoociphihiwa.

⁷Okhomaalawawe onooporora, ni soovaanelasawe sinoommoroxela vathi.

⁸Inaawosawe sinimphariha, ni onimweetta munraakhoni.

⁹Ntapha nimphariha itthottopwa; muraakho onimphariha woomalela.

¹⁰Esurula yohiipithihiwa vathi weera empharihe, nookhala ntapha mphironimwawe.

¹¹Woopiha ommoopopiha mipatta sootheene ni onimuttharatthara onkhalaawewo.

¹²Ehasara entthuna omukhuura, ni erisa eningweherera owo aamoraka.

¹³Eyo enkhuura mipatta sa exapalaawe, ntthaara na okhwa ninnyaanya mipatta sa erutthwaawe.

¹⁴Onimwaakhiwa omaaleleya wa vaatewawe, aronghiweke wa mwene a woopiha wa okhwa.

¹⁵Mooro ommaka muheemanimwawe; enxofre* evarelaka emmwareela vaatewawe.

¹⁶Mikwankhwaarisawe sinuuma vathi, ni iphandisawe sinnyaala musulu.

¹⁷Wuupuweleliwawawe onlakaseya mulaponi, ni nsinanawe khaniwoworu.

¹⁸Ookhumihiwa ngwaarani, avonyeriwaka mpiphini; ohoomoliwa mulaponi.

¹⁹Khanono anamwane hata ekhapira eriyari ya mulokwaawe; khamuhalenleru mukumi mmapuroni aakhalaawe khalayi.

²⁰Atthu a mpatta ninkela nsuwa antuthuwa oheleyawawe nthala, ni yaawo a mpatta ninkhuma nsuwa ansareya otteenguwa.

²¹Ti hiiha woomaka wa mutakhali; wu ti okhala wa yoole ohimusuwenle Muluku.”