Read Makhuwa-Shirima Yobi 26 Bible Online

Yobi 26 - Makhuwa-Shirima bible

Yobi 26

¹Vano Yobi aahaakhula:

²“Ekhavihero mumvanghaanyu oohooneleyamo ti etokotoko! Moota mukhavihenraanyu moono woohilipa!

³Moota wa esuwelo mumvanghaanyu oohimiruku, moota sunnungwaaya miruku moonihenraanyu!

⁴Taani oovangheni masu awo? Muuluma mwa munepa wawani?

⁵Anamakhwa anthukumelaxa — yaawosa ari vathi va maahi vamoha ni sootheene sinkhalamo.

⁶Okhwa ori pwitipwiti ohoolo wa Muluku; kheewo enkhuneela ophwatiwa.

⁷Owo onkunga irimu sa mpatta wa ottuttuwani vatthuni woohikhala etthu; ontthukelela etthaya ehikhanlaayawo etthu.

⁸Onghuruwela maahi mmahuttenimwaya, vaheera naari elemenleene, khaankhwalala.

⁹Muluku onkuttelela ekhove ya mweeri, akungaka mahuttaawe.

¹⁰Onkhera omakoteloni vasulu wa maahi weera okhale mwiinano eriyari ya waara ni epiphi.

¹¹Amarimbu a erimu anthukumela enatteenguwa ohoolo wa ohiihawawe.

¹²Mooweranimwawe aatekumihaxa ephareiya; moosuwelanimwawe aamunyaanya Rahabi.

¹³Iphumusawe saaphwaneliha erimu; ntatanawe naahoma enowa yoowiipirikixa.

¹⁴Sootheene iyo ti epacerero paahi ya mutekwaawe! Ti olokolola vathi vathi niiwalaahu wa Yoowo. Vano, taani anaawere wiiwexexa okukutteya wa owerawawe?”