Read Makhuwa-Shirima Icipo 101 Bible Online

Icipo 101 - Makhuwa-Shirima bible

Icipo 101

¹Ecipo ya Davide. Kiniipa sa osivelawanyu ni ororomeleyawanyu; wa Nyuwo, Yave, kiniipa icipo soottottopela.

²Kinimwiikosoopa weera keette moota wookwaneleya. Mmwikikumanane yaakhani? Kinookhala vaatewaka ni murima woohikhalano nthowa.

³Nkintthunaru woona etthu yoonanara; kinthanya miteko sa atthu oohiroromeleya; seiyo khasirwa sikilamulatho.

⁴Kiri ottaiwene wa ooriheya vamurimani; nkintthuna wiitakansa mwa soonanara.

⁵Kinoommaaliha yoowo ommuuluma wiiphiini mukhwaawe; yoowo ooweemexa maitho ni murima woowiixoona nkinimvilela.

⁶Maithwaaka angwoona atthu oororomeleya mulaponi weera awosa ekhale ni Miyo; yoole oneetta moota wookwaneleya paahi ti aneera akirumeele.

⁷Khawoworu ompaka itthu soolokottha anakhala Mpaanimwaka hata namootha khapwaherera okhala vamaithoniwaka.

⁸Khula oxeexelo kinimwaamaaliha atakhali a mulaponi; kinoowoomola anamapaka soonanara ootheene musidadeni mwa Yave.