Read Makhuwa-Shirima Icipo 104 Bible Online

Icipo 104 - Makhuwa-Shirima bible

Icipo 104

¹Ii! Okumaaka, munttottopele Yave! Ii! Yave Mulukwaaka, Nyuwo ti Mutokweenexa ngwarenle sa otokweene ni soowaara.

²Owo ohiiwariha waara ntoko mukaandyo; Owo ontapuruxa erimu ntoko eluttu.

³Oniikaathi itthaabwa sa ekwartwaawe ya osulu vasulu wa maahi a wiirimu. Owo ompaka mahutte ikaarosawe ni oneetta mmapuphani a epheyo.

⁴Owo omvarela muteko epheyo ntoko anamitthengaawe ni malumi a mooro ntoko arumeiyaawe.

⁵Aakhaliha elapo mmathipelonimwaya; khoongwereya weera ettikinyeye.

⁶Mookhuneela elapo ni ephareiya yoowiixa ntoko mukaandyo; maahi aaneeliha nyaako.

⁷Vaheera muhiihaka, maahi yaatthawa; yiiwaka oruma wa etaraanyu, yaawelela.

⁸Yaawela mmanyaakoni enasereneela mureyareyani wa mapuro muthanlenlaanyu.

⁹Mwaakhaliha mwiinano awo ahingweraaya olapuwa; kheerwa ekhuneelatho etthaya.

¹⁰Owo ohaakhaliha anaattuuttu mphattuwelani ni antthimaka maahi eriyari ya nyaako.

¹¹Anaattuuttu anaavaha maahi axinama a ntuphini; abuuru a ntuphini ammaliha ntthonanaya.

¹²Ipalame sa wiirimu sinteka ipuurusaya mukerekhere maahi; siniipa variyari wa iphandi.

¹³Mmakwartunimwawe sa wiirimu Owo onnanaaniha nyaako; etthaya emvona soowiima sa mitekosawe.

¹⁴Ti Yave onunnuwiha moocihamo mihuwo ni nyiri omphatteyaawe mutthu weera siruuhele yooca mulaponi:

¹⁵eviinyu enghakalaliha murima wa mutthu; makhura ammwaariha ekhovaawe ni yooca enimvaha ikuru.

¹⁶Nyiri sa Yave sinkhala soonaaniheyasene — esedari* ya oLibanu ophatteiyaawe.

¹⁷Mwemmo ipalame sintekaayamo ipuurusaya; epuuru ya ntiki eri mwaapinyeiruni*

¹⁸Nyaako soorakamela siri sa ikhomaci; mmakhukuni ti sintthawelaayamo ipila.

¹⁹Mweeri onthoonyera ihuhu soohiyanahiyana sa eyaakha ni nsuwa noosuwela ehuhu ninneelaaya.

²⁰Nyuwo munruuha epiphi, oniila; vano axinama a ntuphini animweetteetta.

²¹Amwatto aniipa emwaasaka oomvara emvekelaka Muluku sookhuurasaya;

²²vaheera nsuwa naakhumaka, awosa anoohokolowa, eniixaatalela munikhukunimwaya.

²³Vano mutthu ti onrowaawe omutekoniwawe, anavara mpaka wiila.

²⁴Ii! Yave! Sincipalexa ti soopakasanyu! Moopaka sootheene seiyo mmirukunimwanyu. Elapo yoosareya itthu mpattunxaanyu.

²⁵Yookhala ephareiya etokotoko ni yoothanuwa; mwemmo sinkhala soopattuxiwa soohaalikeleya — sa okumi sitokotoko ni sikhaani.

²⁶Mwemmo annaviramo makula matokotoko nitho ookhalamo ntutu mumpattunxaanyu weera atheelekemo.

²⁷Sootheene seiyo sinoowehani Nyuwo siwehereraka weera mvahe yooca mweehuhuni yootthuneya.

²⁸Mwaavahaka, iyo sinnaakhela; mwaahulaka ntatananyu, iyo sinnavona ni itthu sooreera.

²⁹Mwaahuluwaka, iyo sinoopupuruma ni mwaavenxaka ngwiyaaya, sinimookhwa sihokoleelaka vantthupini.

³⁰Mwiiseelelaka ngwiyaanyu, iyo sinoophattuwa ni munrehereratho mulaponi.

³¹Ovuwa wa Yave opwaherere wa mahuku ootheene; Yave ahakalalele seiyo opattunxaawe.

³²Owo ongweha etthaya ni eyo enootetereya; Owo ontava nyaako ni seiyo sinootthuwa.

³³Kinimwiipela Yave mahuku ootheene a okumaaka; kinoomuttottopela Mulukwaaka mookuminimwaka wootheene.

³⁴Otthokelelawaka omuhakalaliheke, niwoko mwa Yoowo kinnahakalala.

³⁵Vaheera anamattheka elakaseye mweelaponi ni atakhali ehikhaletho. Ii! Okumaaka, munttottopele Yave. Munttottopele Yave.