Read Makhuwa-Shirima Icipo 113 Bible Online

Icipo 113 - Makhuwa-Shirima bible

Icipo 113

¹Munttottopele Yave! Ii! Arumeiyi a Yave, muttottopele Nsina na Yave.

²Nsina na Yave nittottopeliwe okhuma vaanaanova mpaka khalayi.

³Okhuma ninkhuma nsuwa mpaka ninkelaayawo Nsina na Yave nittottopeliweke.

⁴Yave ti oovuwihiweene opwaha wa miloko sootheene; ovuwawawe ori vasulu erimu.

⁵Taani onlikana ni Yave Mulukwaahu orino ehicaawe ya emwene ya musulusulu,

⁶mwa Yoowo onuurama weera oone erimu ni vathi?

⁷Owo onaavenxa oohaawa vantthupini ni onaakhavihera oothoiwa ovenya vasalani.

⁸Owo onaakilaathiha vamoha ni anamwane a mwene ni atthu oottittimiheyaxa a mulokwaawe.

⁹Owo onimvaha mwali eekupa emusi, anampaka maayi oohakalala a anamwane ancipale. Munttottopele Yave.