Read Makhuwa-Shirima Icipo 137 Bible Online

Icipo 137 - Makhuwa-Shirima bible

Icipo 137

¹Olalamikeliwa ophwatiwa wa oYerusaleemu. Mukerekhere nyooloko sa oBabiloniya hiyo naakilaathi, nniinla, nuupuwelelaka oSiyoni.

²Wu, vamwirini esalgeru* hiyo naahaathomeya amakitaahu.

³Iwe yaanitthunke yaanivekela icipo; yaale yaanihasula yaaninyesereriha weera niipe icipo soohakalaliha, yeeraka: “Muniipele ecipo emoha ya oSiyoni!”

⁴Moota heeni nneeraahu niipe ecipo ya Yave nireene mweelaponi ya anamarwa?

⁵Ii! oYerusaleemu, miyo koottiwalani, ntatanaka noolopwana nihiratte.

⁶Nluminaka nikitthukane waahottokoroko, miyo kaahiwuupuwelelani; miyo kaahoonelamo oYerusaleemu ori ohakalalawaka otokotoko.

⁷Ii! Yave muupuwelele yeeyo awEdomi yaapankaaya nihuku nenenenne Yerusaleemu aawiniwaawe. Awosa yaakhuwela: “Mumphwate! Muphwate moota woomalela!”

⁸Ii! Mwaana muthiyana a oBabiloniya, olakeliwe ophwatiwa — oohakalala ti yoole onootthuvelani attharihaka yeeyo munipakenlaanyu.

⁹Aani oohakalala yoole onaakuxa anamwaniinyu aavatarulelaka vamwala.