Read Makhuwa-Shirima Icipo 142 Bible Online

Icipo 142 - Makhuwa-Shirima bible

Icipo 142

¹Ya Davide. Ecipo ya miruku aakhalaawe munikhukuni. Nivekelo. Kinimukhuwelela Yave ni nsu ntokotoko; kinimudyoonttelela Yave ikharari.

²Miyo kinrongha ottaandawulawaka ohoolowawe; vamaithoniwawe kinthalihera makacamihowaaka.

³Okumaaka waapororaka, ti Nyuwo munsuwela ephiro entthuneya okuxera miyo. Mphironi kimviraaka, aakireya ntapha.

⁴Ngwehe mpatta wa moonowaaka mulopwana ni moone — khaawo onkipwattha. Nkinonoru wootthawelawo; khawowo ompwattha okumaaka.

⁵Miyo kinookhuwelelani Nyuwo Yave, keeraka: “Nyuwo ti Wootthawelawaka; mweelaponi ya akumi kinoororomelani Nyuwo paahi.”

⁶Mwiiwe okhuwelawaka, niwoko koothananaxa. Mukivuluxe mwa yaala ankittharatthara, niwoko ari oolipaxa okipwaha miyo.

⁷Mukitapuxe mukaliposo ni kittottopele Nsinananyu. Vano atthu oororomeleya anoothukumana mukhwipimwaka niwoko na onnene mukipakenlaanyu.