Read Makhuwa-Shirima Icipo 145 Bible Online

Icipo 145 - Makhuwa-Shirima bible

Icipo 145

¹Ecipo yoottottopela ya Davide. Miyo kinimoovuwihani Nyuwo, Mulukwaaka, Mwenaaka; kinoottottopela Nsinananyu wa mahuku ootheene.

²Khula nihuku kinimoottottopelani, kivuwihaka Nsinananyu wa mahuku ootheene.

³Mutokweene ni oophwanela oovuwihiwa ti Yave; otokweenaawe khoonkota.

⁴Ekhapira enoothalihera ekhapira ekina mitekosanyu; eniilaleiye soopakasanyu sooweraxa.

⁵Iyo nsuulume sa waara woovuwaxa sa otokwenaanyu ni miyo kinootthokelela mitekosanyu sootikhiniha.

⁶Iyo nsithalihere sa ikuru sa soopakasanyu soowooveya ni miyo kinoolaleiya mitekosanyu sitokotoko.

⁷Nsuupuwelele murimaanyu wooreeraxa, siipelaka ni ohakalala sa ororomeleyawanyu.

⁸Yave ti a ikharari ni oopixa murima, Owo ti oopisa onyoonyiwa ni oosareya osivela.

⁹Yave ongwoonihera murimaawe wooreera ootheene; ommorela ikharari soopattuxasawe sootheene.

¹⁰Ii! Yave, ootheene mwaapankaanyu animootthapelani; ootteelaanyu animoottottopelani.

¹¹Awosa anoolaleiya sa ovuwa wa omwenaanyu, yuulumaka sa ikurusanyu

¹²weera ootheene esuwele mitekosanyu sooweraxa ni sa ovuwa woowaara wa omwenaanyu.

¹³Omwenaanyu ti omwene woohimala ni olamulawanyu ompwaherera wa ikhapira sootheene. Yave ti oororomeleya mwa soororomelihasawe sootheene ni onoonihera murima wooreera mwa sootheene opankaawe.

¹⁴Yave onaakhavihera weemela ootheene anuuwa, ongweemexa ootheene yuuramenle vathi.

¹⁵Maitho a ootheene anoowehani Nyuwo ni munaavaha soocasaya mweehuhuni yootthuneyaxa.

¹⁶Nyuwo mughula ntatananyu, munahakalaliha soohaawela sa ikumi sootheene.

¹⁷Yave ti oororomeleya mphironimwawe moothemwene, asivelaka sootheene ompakaawe.

¹⁸Yave ori vakhiviru wa ootheene ammwiitthana; ootheene ammwiitthana mweekhaikhaiyini.

¹⁹Owo onkwanihera soohaawela sa yaale ammoova; oniiwa okhuwelawaya, anaavuluxa.

²⁰Yave onaakosoopa ootheene animusivela, vaheera atakhali ootheene onimwaaphwata.

²¹Kinoomuttottopela Yave ni eyanowaaka. Ikumi sootheene sittottopele Nsinanawe Nootteela wa mahuku ootheene.