Read Makhuwa-Shirima Icipo 2 Bible Online

Icipo 2 - Makhuwa-Shirima bible

Icipo 2

¹Yoororomeliha ya Yave. Heeni miloko simvaanelaaya ni ilapo siniiwananaaya siiyoweene?

²Mamwene a mweelaponi animvaanya Yave ni anamalamula anoomvaanelela Yoowo ni oottikittheliwaawe, yeeraka:

³“Nrowe nipase onyooro ni niitapuxe mootthukiwani.”

⁴Vahiceniwawe wiirimu Yave onnaatheya, aanyemulaka.

⁵Musaranimwawe onoowooceeliha ni moonyoonyiwanimwawe ongwoopopiha, aweerelaka:

⁶“Miyo muneenaaka koomukhaliha mwenaaka oSiyoni, vamwaakoniwaka wootteela.”

⁷Kinoolaleiya ekano ya Yave. Owo ookeerela: “Weyo mwanaka; olelo kohooyara.”

⁸Okivekele ni Miyo kinimoovaha olamula miloko ntoko yoohiyeriwa ni elapo yootheene ntoko yawawo.

⁹Weyo onoophwata iyo ni ekopo ya eyuuma, onuupwexakase ntoko nivali.”

¹⁰Tivawo, mukhale ni miruku nyuwo mamwene ni nyuwo anamalamula a mulaponi mwaakhulele yoowoopereriwa.

¹¹Munrumeele Yave ni woova; mumvuwihe Yoowo ni othukumela.

¹²Mumbeece Mwaana, weera Owo ahinyoonyiwe ni nyuwo muhiphwatiwe wootutuxereya niwoko isarasawe waakuva opatta. Ooreelihiwa yaawo ootheene antthawela mwa Yoowo!