Read Makhuwa-Shirima Icipo 26 Bible Online

Icipo 26 - Makhuwa-Shirima bible

Icipo 26

¹Ecipo Ya Davide. Ii! Yave, mukoonihere ekhaikhai, niwoko kinkhala moota wookwanela; koomuroromela Yave kihihovelakaru.

²Mukiringe Yave ni mukoote murima; ngwehawehaxe murimaaka ni soowuupuwelasaka,

³niwoko osivelawanyu ori ohoolowaka mahuku ootheene ni kinneetta mweekhaikhaiyinimwanyu.

⁴Nkinkilaathi vamoha ni asilopwana oolokottha hata nkineettano anamwiixeera.

⁵Kinthanya muthukumano wa atakhali ni kinkhootta okilaathi vamoha ni atthu oonanara murima.

⁶Kinnyawa matataaka kireene oohinthowa; kinnawaattamela altaaraanyu, Yave.

⁷Vano kinlaleiya ni nsu ntokotoko ottottopeleyawanyu, kithaliheraka soopakasanyu, sootikhiniha sootheene.

⁸Yave miyo kinnasivela nipuro munkhalaanyuwo, mwa weiwo onkhalaayawo ovuwawanyu.

⁹Muhivenxe okumaaka vamoha ni anamattheka hoye hoye ni anamwiiva.

¹⁰Mmatatanimwaya sookhala soovaanela soonanara ni matataaya oolopwana aasareya makhwankwa.

¹¹Vaheera miyo kinkhala moota wookwanela; mukoopole ni mukimorele ikharari.

¹²Malipaaka antthara ephiro yoowookowa ni kinoomuttottopela Yave mmuthukumanoni mutokotoko.