Read Makhuwa-Shirima Icipo 29 Bible Online

Icipo 29 - Makhuwa-Shirima bible

Icipo 29

¹Ecipo ya Davide. Nyuwosa ooweraxa a wiirimu, munttittimihe Yave niwoko na ovuwawawe ni ikurusawe.

²Mvuwihe Nsina na Yave noophwaneleya. Munttottopele Yave moovuwani mwa Nipuronawe Nootteela*.

³Nsu na Yave ninruma mmaahini; Muluku a ovuwa onookukutteya; Yave onkukutteya mmaahini mancipalexa.

⁴Nsu na Yave ti nooweraxa; aani nsu na Yave noosareya ovuwa.

⁵Nsu na Yave nnintakasa nyiri sitokotoko; nnintakasa mipatta mipatta nyiri sitokotoko sa oLibanu.

⁶Owo ontuphiha oLibanu ntoko mwaaxaana a emombe; oSiyoni ntoko mwaaxaana a inari.

⁷Nsu na Yave nnaaleiha erimu ni waara wootutha.

⁸Nsu na Yave ninthukumeliha nikare; Yave ontetereiha nikare na oKadexi.

⁹Nsu na Yave nnaarelanyiha anaahe ni ninnamoroxiha makukhu a moothakoni. Vano Mpaanimwawe ootheene ankhuwela: “Ovuwa!”

¹⁰Yave onkilaathi vahiceniwawe vasulu wa mirupi; Yave onlamula ntoko Mwene wa mahuku ootheene.

¹¹Yave omvaha ikuru mulokwaawe; Yave onreeliha mulokwaawe ni murettele.