Read Makhuwa-Shirima Icipo 32 Bible Online

Icipo 32 - Makhuwa-Shirima bible

Icipo 32

¹Ya Davide. Ecipo ya miruku. Ooreelihiwa ti yoole sileveleliwe soopakasawe soonanara ni sootthekasawe simalihingwe.

²Ooreelihiwa mutthu Yave ohimmoonanaawe soottheka ni mwa yoowo ohinimphwanyanaawe wiixeera.

³Miyo kiipithihaaka sootthekasaka, makhuvaaka yaatteenguwa niwoko na wiikhupanyerawaka mahuku ootheene.

⁴Vano othana ni ohiyu ntatananyu nannakittaruxa ni saakimalela ikuru ntoko mweehuhuni ya ovihaxa. Sela*

⁵Vanonto koolapa sootthekasaka, kihiipithihakatho mitekosaka soonanara. Keenre: “Kinoolapa sootthekasaka wa Yave,” ni Nyuwo mooleveleela nthowa na seiye.

⁶Tivawo, ootheene a murima wa oMuluku yoovekeleni, Nyuwo nlelo mulikanneene ophwanyiwa. Hata esaraka maahi mancipale, khayaaphwanya.

⁷Nyuwo ti Wootthawelawaka; munkaakiha mwa makacamiho; munkirukureerihano icipo sa owina.

⁸Kinoovahani miruku kooxuttihakani ephiro muneeraanyu mukuxere; kinimoolakani ni kinimookosoopani.

⁹Muhikhale ntoko ekavalu* hoye hoye buuru mwa yoowo ohirino wiiwexexa, mene ontthuneya olamuleliwano onyooro mmwaano — waahikhala hiiho kharwa iiwelela.

¹⁰Soohooxa sa atakhali soohaatta, mene osivela woororomeleya wa Yave onimurukureera yoowo onimuroromela Yave.

¹¹Munghakalalele Yave ni mukhaleke ni murima wootteela, nyuwosa oororomeleya; mwiipe, nyuwosa ootheene a murima wa ekhaikhai.