Read Makhuwa-Shirima Icipo 53 Bible Online

Icipo 53 - Makhuwa-Shirima bible

Icipo 53

¹Wa muhusiha a icipo. Ecipo entthara moota woowiipa oniitthaniwa Mahalati. Ecipo ya miruku ya Davide. Mulolo oneera mmurimanimwawe: “Khawowo Muluku.” Awosa arino mirima soonanara ni iphirosaya siri sa mwiikho. Khawoworu ompaka yooreera.

²Muluku ari wiirimu onaaweha atthu a elapo ya vathi weera oone aakhanleene mutthu oniiwexexa; akhalaru ommwaasa Muluku.

³Ootheene aahapuwa; aathatuwa a murima woonanara. Khawoworu ompaka yooreera, hata mmoha!

⁴Yaawo ampaka soonanara khaanxuttera. Awosa ankhuura mulokwaaka ntoko enkhureliwaaya yooca ni khaammwiitthana Muluku.

⁵Moone, aatteenguwaxa oroohiphwanelaru woova. Muluku oommwaramwaxa makhuva a yaale yoowananneni; nyuwo mohaayeviha niwoko Muluku ohaakhootta.

⁶Ii! Weera ovuluxiwa wa oYixrayeli orweele oSiyoni! Muluku aarehereraka mulokwaawe, vano Yakobe ni Yixrayeli anoohakalalaxa!