Read Makhuwa-Shirima Icipo 54 Bible Online

Icipo 54 - Makhuwa-Shirima bible

Icipo 54

¹Wa muhusiha a icipo ni ikaruma sa mikhoyi. Ecipo ya miruku ya Davide. Ecipo ela yaalempwale ehuhuweene yeele aZifi yaarongwaaya wa Sawuli, enamuthalihera: “Davide iipinthe variyariwahu.” Ii! Muluku, mukivuluxe mwa Nsinananyu. Mukaakihe ni ikurusanyu.

²Ii! Muluku, mwiiwe nivekelonaka; ngwiriyane masu a eyanowaaka.

³Anamarwa anookiwanano; atakhali anaasaasa okumaaka — atthu ahinimpwattha Muluku. Sela*

⁴Vekhaikhai Muluku ti ekhaviherowaaka; Yave ti Yoole onkilipiha.

⁵Soonanara saahokoleeleke yaale ankaapa miyo. Mwaaphwate moororomeleyanimwanyu.

⁶Kinimoopakelani yooveleela ya otthunawaka; miyo kinootthapela Nsinananyu Yave, niwoko ti nooreeraxa.

⁷Vano Owo ookoopola mwa moothanananimwaka moothemwene ni maithwaaka ahoona owiniwa wa amwiittanaaka.