Read Makhuwa-Shirima Icipo 58 Bible Online

Icipo 58 - Makhuwa-Shirima bible

Icipo 58

¹Wa muhusiha a icipo. Ecipo entthara moota woowiipa oniitthaniwa “Muhiphwate” Ecipo ya Davide eniitthaniwa Mikitami*. Weeraka nyuwosa anamalamula munuuluma ekhaikhai? Weeraka nyuwosa munthoriha moota woororomeleya?

²Hoye! Mmurimanimwanyu mumvaanelela ohiroromeleya, ni matataanyu mummwaramwaxa nipuhero mweelaponimu.

³Hata okhuma oyariwawaya atakhali antthara ephiro yoonanara; awoosa yaari atakhali nlelo ereene mmirimani mwa amayaya.

⁴Wamwaaya ori ntoko a inowa; aniipakiha oohiiwa ntoko enowa

⁵ehitthunaka wiiwelela ecipo ya namwiipela inowa orookhalaru ooweraxa.

⁶Ii! Muluku, mpwexe maino mmwaanomwaya; Ii! Yave, mukhule mirondye sa amwatto awo.

⁷Awosa elakaseyeke ntoko maahi ankhwalala; awosa yaatheteyaka muupa, nyuupasaya sikhaleke soohinoneya.

⁸Ekhaleke ntoko nantta ontothowa mphironi; ehoone nsuwa ntoko mwaana oovirela weiwo.

⁹Sihinaaye ikarikhosaya okukheliwa mooro wa ikhuuni ikitthi hoye hoye soowuuma, atakhali ekweseriwe ottaiwene.

¹⁰Atthu oororomeleya anoohakalala yiinleliwaka ikukuttula, yaarapihaka inawosaya mphomeni mwa atakhali.

¹¹Vano atthu eniyeere: “Vekhaikhai oororomeleya nlelo anaakhela ntthuvelonaya; vekhaikhai ookhala Muluku onthoriha elapo ya vathi.”