Read Makhuwa-Shirima Icipo 64 Bible Online

Icipo 64 - Makhuwa-Shirima bible

Icipo 64

¹Wa Muhusiha a icipo. Ecipo ya Davide. Ii! Muluku, mukiiwe, miyo kaattaandawulaka. Mwaakihe okumaaka mwa soowoopiha sa amwiittana.

²Mukaakihe moovaanelelani mwa atakhali ni wa munyakunyaku wa mukuttula wa anyali.

³Awosa anniithiha malumaaya ntoko ikatana enaanya ni maswaaya ntoko nyuupa soosareya wamwa.

⁴Animulatha mutthu oohinthowa mwa weiwo yiipinthaayawo; animulatha wootutuxereya ehoovaka.

⁵Awosa anlipiherana ni soovaanela soonanara; amvaanela moota woowiipithiha itaphasaya, yeeraka: “Khaawowo eniyoone.”

⁶Amvaanela epakaka soonanara, yeeraka: “Noovaanela moota wookwanela!” Vekhaikhai, murima ni soowuupuwela sa omutthu woololo!

⁷Vaheera Muluku onimwaalathela nyuupasawe; anoovulalihiwa woowaakuveya.

⁸Mmasunimwaya anoomoroxana mukina ni mukhwaawe. Ootheene eneera ewoone, animwaapukunyera nyuru, yaatheyaka.

⁹Atthu ootheene a elapo ya vathi animoova; anoolaleiya miteko sa Muluku etthokelelaka seiye opankaawe.

¹⁰Oororomeleya emuhakalaleleke Yave emutthawelelaka; ootheene a murima woororomeleya emuttottopeleke!