Read Makhuwa-Shirima Icipo 76 Bible Online

Icipo 76 - Makhuwa-Shirima bible

Icipo 76

¹Wa muhusiha a icipo ni ikaruma sa mikhoyi. Ecipo ya Asafi. oYuda Muluku ti oosuwanyeya; Nsinanawe ti ntokweene oYixrayeli.

²Eheemaawe enkhala oSalemi; omankaawe ti oSiyoni.

³Iwo aahintakawo nyuupa soovarela, ixikudu* ni ikatana — ikapwitthi sa ekhotto. Sela*

⁴Nyuwo moosareya waara, moovuwaxa opwaha nyaako soosareya inama sa ntuphini.

⁵Iwo asilopwana ooweraxa aahuhuliwa ekonaka ikhove sa okhwa; khawoworu nakhotto owenre weemexa matata.

⁶Niwoko na ohiihawanyu Yave, ikavalu* ni ikaaro khasineettaru.

⁷Ontthuneya owoovani Nyuwo paahi. Khaawo anaawere opwaherera ohoolowanyu Nyuwo munyoonyiweene.

⁸Wiirimu moohima nthorihelo ni elapo ya vathi yohoova, enamaala,

⁹Nyuwo mwaavenyenraanyu othoriha weera mwaavuluxe oohasuliwa ootheene a elapo. Sela*

¹⁰Mpaka isara munaakhalelaanyu atthu sinimooruuhelani ottottopela ni eniihalahale musaranimwanyu anoohiiheya.

¹¹Mumpakele soororomeliha Yave Mulukwaanyu ni mukwanihere; ilapo sootheene soowaattamana simuruuhele samahala Yoole omphwanela wooviwa.

¹²Owo onaakha otthuna wa alamuli; Owo ti oowooviwa ni mamwene a elapo ya vathi.