Read Makhuwa-Shirima Icipo 8 Bible Online

Icipo 8 - Makhuwa-Shirima bible

Icipo 8

¹Wa mutokweene a icipo. Yiipiwa ottharihiwaka moota wa Gititi*. Ecipo ya Davide. Ii! Yave, Pwiiyaahu, moota nunnungwaaya Nsinananyu mulaponi moothemwene! Ovuwawanyu oniipiwa wiirimu.

²Mmwaano mwa anamwane ni wa ooyariwa vaanaano Nyuwo mookhaliha ottottopela niwoko na amwiittanaanyu weera mwaamalihe amwiittana anaasaasa ikuhu.

³Miyo kaatthokelelaka irimusanyu — miteko sa ikathasanyu — mweeri ni ithenyeeri mukhalihalaanyuwo,

⁴vano kiniikoha: Mutthu taani oophwanela omuupuwela Nyuwo; omutthu eheeni wootthukuruwela?

⁵Nyuwo moompattuxa ahaleelaka vakhaani olikana ikhalelo sa wiirimu ni moongwariha ecireemba ya ovuwa ni nttittimiho.

⁶Moomukhaliha oolamula miteko sa matataanyu ni mohiikaathi sootheene vathi wa inaawosawe:

⁷Mihuwo ni mikuttula sootheene sa inama, mpakatho sa ntuphini,

⁸ipalame sa wiirimu, ihopa sa mphareiya, ni sootheene sineetta mwemmo.

⁹Ii! Yave, Pwiiyaahu, moota nunnungwaaya Nsinananyu mulaponi moothemwene!