Read Makhuwa-Shirima Icipo 87 Bible Online

Icipo 87 - Makhuwa-Shirima bible

Icipo 87

¹Ecipo ya anamwane a Kora. Yave aateka esidadaawe vamwaako wootteela;

²Owo onnasivela milako sa oSiyoni opwahaxa mookhala mukina wa Yakobe.

³Ii! Esidade ya Muluku, itthu soovuwaxa singhimmwa sa Nyuwo. Sela*

⁴Variyari wa yaale ankisuwela kimmwaalikelela Rahabi ni oBabiloniya — hiihotho oFilistia, oTiro nitho oKuxi. Kinoohima sa yaale: “Ala ayareliwe oSiyoni.”

⁵Vekhaikhai atthu anoohima sa oSiyoni: “Ola ni ole oyareliwe oSiyoni ni Muluku a Musulusulu onoolipiha esidade eyo.”

⁶Yave onoolepa munamalepelani a miloko: “Ola oyareliwe oSiyoni.” Sela*

⁷Yiipaka ni yiinaka, awosa eniyeere: “Niphattuwenle oSiyoni.”