Read Makhuwa-Shirima Icipo 95 Bible Online

Icipo 95 - Makhuwa-Shirima bible

Icipo 95

¹Nrowe, nimwiipeleke Yave ni ohakalala; nimukhuwelele Mwala a ovuluxiwawahu.

²Nrowe vamaithoniwawe ni otthapela nimvuwihaka ni icipo soottottopela,

³niwoko Yave ti Muluku Mutokweene; Mwene Mutokweene opwaha miluku sootheene.

⁴Wiixera wa elapo ya vathi ori mmatatanimwawe ni itthomela sa nyaako ti sawawe.

⁵Ephareiya ti yawawe niwoko ti Yoowo aapattunxe ni matataawe yaapaka etthaya yoowuuma.

⁶Nrowe, nilape ekokhorelo ohoolo wa Yave Mpattuxaahu,

⁷niwoko Owo ti Mulukwaahu ni hiyo nri muloko wa nikhoolanawe; muhuwo Owo onkosoopaawe. Olelo, mwiiwaka nsunawe,

⁸“Muhuumihe mirimasanyu ntoko mwaapankaanyu munikareni na oMeriba ni oMasa.

⁹Iwe makholowaanyu yaakoota murima, ekitannyaka, yaarimoonaru yeeyo kaapankaaka.

¹⁰Kaanyoonyeriwa ekhapira ele wa iyaakha miloko mixexe; keenre: ‘Awosa ti muloko woohapuwa ni khaaneetta mphironimwaka.’

¹¹Vano musaranimwaka kaalipela: ‘Awosa khaamvolowaru ngwiitthuuwanimwaka.’ ”