Read Makhuwa-Shirima Icipo 96 Bible Online

Icipo 96 - Makhuwa-Shirima bible

Icipo 96

¹Mmwiipele Yave ecipo enyowani; mmwiipele Yave, elapo yootheene.

²Mmwiipele Yave; muttottopele Nsinanawe; mulaleiyeke ovuluxawawe khula nihuku!

³Mulaleiye ovuwawawe variyari wa miloko; mitekosawe sootikhiniha variyari wa atthu a elapo.

⁴Vano Yave ti Mutokweene ni omphwanela ottottopeliwa wootheene; ontthuneya omoova Yoowo opwaha miluku sikina.

⁵Miluku sootheene sa miloko ti miluku soowootha, vaheera Yave oopattuxa erimu.

⁶Waara ni ovuwa ori ohoolowawe; ikuru ni ovuwa onkhala Mpaanimwawe.

⁷Mumvahe Yave, miloko sootheene nyuwosa, mumvahe Yave ovuwa ni ikuru!

⁸Mumvahe Yave ovuwa Nsinanawe nimphwanelaaya; muruuheke sooveleela ni mphiiheke mmapuwanimwawe.

⁹Munlape Yave ngwaarani mwa otteelawawe; muthukumele ohoolowawe, amaki ootheene a mulaponi.

¹⁰Mweere eriyari ya miloko: “Yave onlamula.” Elapo ya vathi eri yoolipeene ni kheenttikinyeya. Owo onoothoriha miloko mweekhaikhaiyini.

¹¹Erimu ehakalale ni elapo etthape; ephareiya ni sootheene sirimo sikhuwele!

¹²Imatta ni sootheene sirimo sihakalale; vano nyiri sootheene sa moothakoni siipe ni ohakalala.

¹³Seiyo siniipa vamaithoni wa Yave, niwoko Owo ongwa, aani onrweela weera athorihe elapo ya vathi. Owo onoothoriha elapo mweekhaikhaiyini ni miloko sootheene moota woororomeleya.