Read Makhuwa-Shirima Icipo 97 Bible Online

Icipo 97 - Makhuwa-Shirima bible

Icipo 97

¹Yave onlamula, miloko sihakalale; icirumba soorakamela sihakalaletho.

²Mahutte ooriipihana ni wiilihana aamurica; ekhaikhai ni ororomeleya ti mathipelo a ehicaawe ya emwene.

³Mooro onrowa ohoolowawe waahisaka amwiittanaawe a mukhwipimwawe.

⁴Overinyawawe ommwaleela elapo; elapo ya vathi enoona, enatetereya.

⁵Nyaako sintothowa ntoko nnyoma vamaithoni wa Yave, ohoolo wa Yave a elapo ya vathi yootheene.

⁶Erimu enlaleiya ororomeleyawawe ni miloko sootheene sinoona ovuwawawe.

⁷Ootheene anlapa icaambulo anuulihiheya muru, yaale aniivuwihera miluku soolokottha. Munkokhorele Yoowo nyuwosa miluku sootheene soolokottha!

⁸oSiyoni oniiwa, onahakalala ni mittetthe sa oYuda singhakalalaxatho niwoko na soothorihasanyu, Yave.

⁹Vano Nyuwo, Yave, ti Mutokweenexa a elapo yootheene; mumvuwihiwa opwaha miluku sootheene!

¹⁰Yaale animusivela Yave ethanye soonanara, niwoko Owo onkosoopa okumi wa oororomeleyaawe, aavuluxaka mmatatani mwa atakhali.

¹¹Oororomeleya aamwaleeliwa ni waara ni ohakalala onaakhuneela atthu a murima wooreera.

¹²Munghakalalele Yave nyuwosa oororomeleya ni muttottopele Nsinanawe Nootteela!