Read Makhuwa-Shirima Icipo 98 Bible Online

Icipo 98 - Makhuwa-Shirima bible

Icipo 98

¹Ecipo. Mmwiipele Yave ecipo enyowani, niwoko oopaka itthu sootikhiniha; ntatanawe noolopwana ni moonowaawe wootteela wookwanihera ovuluxa.

²Yave oolaleiya ovuluxawawe ni ohoonihera ekhaikhaiyaawe miloko.

³Owo ohuupuwelela osivelawawe woohihiyanyiheya ni ororomeleyawawe wa ikhapira sa oYixrayeli; elapo ya vathi yootheene yohoona ovuluxa wa Mulukwaahu.

⁴Munkhuwelele Yave ni ohakalala, elapo yootheene; munttottopele ni icipo soohakalala ni orumawaya.

⁵Mmwiipele Yave icipo ni makita, aani makita vamoha ni oruma wa icipo,

⁶ni malope ni oruma wa nipalapatta — mukhuwele ni ohakalala vamaithoni wa Yave ori Mwene!

⁷Ephareiya ni sootheene sirimo sirumeke; hiihotho elapo ya vathi ni amakaaya ootheene.

⁸Nyooloko siipe makuphi; nyaako siipe vamoha ni ohakalala;

⁹seiyo siipe vamaithoni wa Yave, niwoko onrweelaa othoriha elapo. Owo onoothoriha elapo mweekhaikhaiyini ni miloko moota woororomeleya.