Read Makhuwa-Shirima Masu a Miruku 4 Bible Online

Masu a Miruku 4 - Makhuwa-Shirima bible

Masu a Miruku 4

¹Anamwanaaka, mwiiwe mahusiho a tiithi; ngwiriyane, ni munoophwanya wiiwexexa.

²Mahusiho kinoovahaakani ti ooreera; tivawo muhihiye mahusihowaaka.

³Miyo kaaraaka mmiravo, nlelo mukhaanene, vaate wa atithaka, mwaana mmoharu a amayaka,

⁴atithaka yannakixuttiha, ekeerelaka: “Ovarexexe maswaaka ni murima wootheene; wiiwelele malamulowaaka, ni weyo onookhalano okumi.

⁵Waasaase okhalano miruku ni mwiiwexexo; ohittiwale maswaaka hata ohisuse mwa yaawo.

⁶Ohihiye miruku, ni iyo sinimookhapelela; osivele, ni iyo sinimookosoopa.

⁷Miruku ti soohilikanxereya; waasaase okhalano miruku; ovarele muteko sootheene orinaawo weera okhaleno wiiwexexa.

⁸Ottittimihaxeke miruku, ni iyo sinimoohakalaliha; ovarexexe, ni iyo sinimoottittimiha.

⁹Iyo sinimoowariha ecireemba mmurumwawo, aani sinimoovaha ecireemba yoowaara.

¹⁰Wiiwe, mwanaka, waakhulele kinghimaaka, ni weyo onoowaattela okumaawo.

¹¹Miyo kooweettiha mphironi ya miruku, aani kooweettiha mphironi soowookowa.

¹²Hiiho, waattharaka seiyo, khoophwanya makacamiho; waatthimakaka, khookwattuliwa.

¹³Ovarexexe mahusiho, ohihiye, othokorore nnenesene, niwoko okumaawo onkhalela yeeyo.

¹⁴Ohitthare ephiro ya atakhali, hata ohivire mphironi sa oonanara murima.

¹⁵Osembe, ohiviremo; osusemo ni ohivarexexe.

¹⁶Niwoko awosa khaangwera okona ehivaraka yoonanara; onaarweela naawalaphile yaahimuhela nthala mukina.

¹⁷Vano awosa aniiciha ni soonanara, ni anghapaliwa mmapuheroni.

¹⁸Ephiro ya oororomeleya eri ntoko ekamaama ya oxa, enaaraxa mpaka onkwanelaaya oxa.

¹⁹Vaheera ephiro ya atakhali eri ntoko epiphi yootepaxa; mpaka awosa khaansuwela yeeyo enaakwattula.

²⁰Mwanaka, wiiwe kinooleelaaka; owiriyane maswaaka.

²¹Ehoorakamele; othokororaxe vamurimaniwawo,

²²niwoko ti okumi wa yoowo omphwanya, ni mpuha wa erutthwaawo yootheene.

²³Yoontthuneyaxa ti othokorora murimaawo, niwoko owo onlamulela ephiro ya okumaawo.

²⁴Osusihe mmwaanomwawo masu a oriheya; iyanosawo sikhale ottai wa yoonanara.

²⁵Mahuku ootheene oweheke ohoolo, owehexexeke eri ohoolowawo.

²⁶Opakele inaawosawe ephiro yoothatawala weera miphitosawo sootheene sikhale soolipasene.

²⁷Ohihapuweleru hata moono woolopwana naari woothiyana; osusihe inaawosawo mwa soonanara.