Read Makhuwa-Shirima Namalaleiya 11 Bible Online

Namalaleiya 11 - Makhuwa-Shirima bible

Namalaleiya 11

¹Mvonyere mmaahini yoocaanyu, ni eviraleene mahuku mancipale, munoophwanyatho.

²Mukawe sa ithannapiili murinaanyu, mpakatho ya ithannatthaaru, niwoko nyuwo khamusuwenle erisa heeni eneera emorele mulaponi.

³Mahutte yakungela, angyeehera epula mulaponi. Naari mwiri omorenleene mpatta wa ohitto hoye hoye ottuttuwani, weiwo oneeraaya omoreleru, onookhalawo.

⁴Yoowo ongwehexexa epheyo, khaphatteya, ni yoowo ongwehexexa mahutte, khahepha.

⁵Mooteene yoowo muhisuwenlaanyu ephiro ya epheyo, naari moota empakeyaaya erutthu mmirimani mwa muthiyana, khamungweratho wiiwexexa miteko sa Muluku, Mpattuxa a itthu sootheene.

⁶Mwaale oxeexelo mmiswaanyu, ni naari oxekuwaka, muhiikhuraane, niwoko khamusuwenle yeeyo eniikhumelele; apaale ela hoye hoye ele ti eneera yiime hoye hoye soopiili sinooreera.

⁷Waara ti woosiveleya, aani ti wooreera woona nsuwa.

⁸Naari mutthu akhalaka ni okumi wa iyaakha sincipale, owo apuheke seiyo mookuminimwawe wootheene. Wa soothesene, muupuwelele mahuku a epiphi, niwoko animwaattaxa. Sootheene sihanle owa, khasintaphulelaru etthu.

⁹Ohakalale mmiravo hiiha oraawo mukithi! Otteeliwe murimaawo mmahukuni a omiravowaawo! Orowe weiwo onoolamulelaayawo murimaawo, mpaka anoonaayawo maithwaawo; Vaheera osuweleke weera mwa itthu sootheene iyo onoomwaakhulano Muluku.

¹⁰Osusihe vamurimaniwawo sookacamiha, ni omalihe soovalaveliha wa erutthwaawo, niwoko omiravo ni okhala mukithi, ti itthu simvira woowaakuveya.