Read Makhuwa-Shirima Ecipo Yooreeraxa 4 Bible Online

Ecipo Yooreeraxa 4 - Makhuwa-Shirima bible

Ecipo Yooreeraxa 4

¹Moota mureenraanyu oosiveleyaaka! Ii, moota mureenraanyu! Maithwaanyu, wiithela eluttu, ari ntoko ekhunda. Mayihaanyu ari ntoko muhuwo wa ipuri singwa sikhuruwaka vamwaako Giliyade.

²Mainowaanyu ari ntoko muhuwo wa ikhondoolo soometthiwa vaanaano sinkhuma woorapihiwani. Khula ekhondoolo eri ni ekhwaaya; kheewoworu ehikhanle ni axaana.

³Iyanosanyu siri ntoko efiiyu yooxeera; mmwaanomwanyu ti wooreeraxa. Mphatamaarumwanyu ori wiithela wa eluttu onlikana ni ekapatthi ya yoowiima ya eromazera*.

⁴Nxikonanyu nri ntoko etoore* ya Davide etekiwe ntoko moosungamo. Mmo soothomeiwamo ixikudu* macira muloko, sootheene iyo ti ixikudu* sa anakhotto ooweraxa.

⁵Mapelaanyu oomeeli ari ntoko axaana a naahe, aani ntoko axaana maphapo a naahe anca eriyari ya ithutu sooreeraaxa.

⁶Ohinaaye oxa, ni ohilakaseiye munttuusi, kinoorowa omwaako wa emira* ni onttumuxani na erubani*.

⁷Oosiveleyaaka, nyuwo muri ooreera moota woomalela; mwa nyuwo, khoowoworu murakanlaanyuwo.

⁸Mvenye oLibanu ootthomeriwaaka, mvenye oLibanu. Mukhuruwe osuluxa wa wAmana, vanttumuxani na oSeniri, osulu wa oHermoni, mmalittini mwa amwatto ni mmakhukuni mwa anantthavi ankhala mmanyaakoni.

⁹Nyuwo mookwattula murimaaka, murokoraka, ootthomeriwaaka; mookwattula murimaaka okiweharu paahi, ni mwa nluku noowaaraxa nimoha na mukuhuwaanyu.

¹⁰Moota oreenraaya oramelawanyu, murokoraka, ootthomeriwaaka! Oramelawanyu ti woosiveleyaxa opwaha eviinyu, ni wunkhela wa makhuraanyu woopwaha wakhalaru moota wa soosivasiva!

¹¹Iyanosanyu sinttonya ocoocowa ntoko wa macerephe a oravo, ootthomeriwaaka; mukaka ni oravo siri vanluminiwanyu. Wunkhela wa soowarasanyu onlikana ni wunkhela wa oLibanu.

¹²Nyuwo ti nttimbe noowalana, murokoraka, ootthomeriwaaka; nyuwo ti ephattuwela yoowalana, aani naattuuttu oowaliwa.

¹³Wa nyuwo, simmela soowiima soohiyanahiyana sa eromazera* vamoha ni ithutu sa hena* ni sa enardu*,

¹⁴enardu* ni esafarano*, etthu yoowunkhelaxa ni ekanela, vamoha ni nyiri sootheene soowunkhela, emira*, ni alowe* ni soosivasiva sikinatho.

¹⁵Nyuwo ti naattuuttu a nttimbe, ehime ya maahi makumi ankhuma oLibanu.

¹⁶Mvenye mookonani epheyo ya mpatta wa ottuttuwani! Murwe epheyo ya mpatta wa ohitto. Moopele muttimbenimwaka weera wunkhelawaya omwareele mukhwipimwaya. Oosiveleyaaka avolowe muttimbenimwawe ni ace soowiimasaya sooreera.