Read Makhuwa-Shirima Ecipo Yooreeraxa 8 Bible Online

Ecipo Yooreeraxa 8 - Makhuwa-Shirima bible

Ecipo Yooreeraxa 8

¹Ii! Kaatthunaxa weera mwaari munnaka, aamwihiwe mmapeleni mwa amayaka! Vano miyo koophwannyeni vaate, kaamoobeecani, ni khaawo yeera ekinyoose.

²Miyo kaamookuxani kooruuhekeni vaate wa amayaka — yaale akixuttinghe. Kaamoovahani eviinyu yoosivaxa owura, soocoocowa sa iroomasaka*.

³Moonowaawe woothiyana, onkhala waamuruwaka, ni moonowawe woolopwana, onkikhubaara.

⁴Asithiyana a oYerusaleemu, miyo kinoodyoonttelelani mwa anaahe ni ikorsa sa ntuphini: muhivenye mukhoveni hata muhitannye osivela ehuhuwaaya ehinaaye.

⁵Taani onrwa awelaka wookhuma munikareni, akhaviheriwaka ni oosiveleyaawe? Vathi wa mwiri wa imasa miyo kaahoovenxani mukhoveni; weiwo amayinyu yooyanreni, iwe yaale yaahaawa ovoreya wa oyara, yaahooyarani.

⁶Mukikhalihe ntoko ewalelo* ya vamurimaniwanyu; ntoko ewalelo* mmoononimwanyu; niwoko osivela ti woolipaxa ntoko okhwa, ni ehacaaya ti yoohikota ntoko ovithiwa. Makhalaaya ti mooro woopatta, aani malumi a mooro woovarelaxa.

⁷Hata maahi mancipale khaangwera ocipiha osivela; nyooloko khasingwera okumburula. Mukina avaha mihakhu sootheene sa vaatevawe weera aphwanye osivela, onoonyoosiwa moota woomalela.

⁸Nookhalano murokorihu, mapelaawe nlelo khaanaaye wunnuwa. Nnipakeni ni murokorihu, vanihukuni aneeraawe uuriwe?

⁹Owo aari exiri, naamuteka vasuluwawe etoore* ya eparatha*. Owo aari mulako, hiyo naamulipiherano itthaabwa sa nyiri sa esidari*.

¹⁰Miyo ti exiri, ni mapelaaka ari ntoko itoore*. Hiiho, oosiveleyaaka aakiwehaka, onoosiveleya.

¹¹Salomoni aakhalano ematta ya iwuuva* oBahali — Hamoni; owo oowoolihiha atthu akina weera elimeke. Khula mutthu, waatthuneya omuliva ixekeli* macira muloko sa eparatha* wa soowiima sa mwemmwe.

¹²Vaheera wa emattaaka ya iwuuva* — ti yawakaxa; Ixekeli* macira muloko sa eparatha* ti sawinyu, Salomoni, ni ixekeli* macira meeli sa eparatha* ti sa yaale yaawehaweha soowiimasaya.

¹³Nyuwo munkhala mmattimbeni, asinthamwene antthuna wiiwa nsunanyu; mukihiye kiiwetho!

¹⁴Murwe woowaakuveya, oosiveleyaaka, ni mukhale ntoko naahe hoye hoye ntoko napunci a naahe mmanyaakoni moosareya soosivasiva.