Read Makhuwa-Shirima Yesaya 4 Bible Online

Yesaya 4 - Makhuwa-Shirima bible

Yesaya 4

¹Vanihukuni nenenenno asithiyana athanneeli anoomvara mulopwana mmoha emweerelaka: “Yooheene nnimwiisaasera yoocaahu ni soowarasahu; mwaase onithela ni munitapuxe wuulihiwa muru niwoko na othupa!”

²Vanihukuni nenenenno ephandi ya Yave eniikhale yooreeraxa ni yoovuwaxa ni soowiima sa elapo nsikhale ovuwa ni nttittimiho na yaawo eniihalahale oYixrayeli.

³Yaale eneera ehale oSiyoni, enakhala oYerusaleemu animwiitthaniwa ootteela: ootheene alepeliwe weera emake oYerusaleemu.

⁴Yave onoorapiha ohitteela wa asithiyana a oSiyoni; onootteeliha ephome eyeehiwe oYerusaleemu ni munepa wa othoriha ni wa mooro.

⁵Vano Yave onoohela omwaako Siyoni wootheene ni wa ootheene eniithukumanewo nihutte na othana ni waara wa mooro ohiyu; ovuwa onuukuttelele sootheene.

⁶Iwo onuukhale yoowaakiha ni munttuusi wa oviha wa othana; wootthawelamo woowiipitha mwaha wa ettheku ni epula.