Read Makhuwa-Shirima Yeremiya 13 Bible Online

Yeremiya 13 - Makhuwa-Shirima bible

Yeremiya 13

¹Vano Yave aakeerela ha: “Murowe ni mwamuthume laamba a eliinyu*, mungware, mene muhimunaanihe.”

²Vano kaamuthuma laamba ntoko Yave aakilamulenlaawe, kinangwara.

³Vano Yave aahuulumatho ni miyo eeraka:

⁴“Munkuxe laamba munthummaanyu ni muningwaraanyu, muroweno wEfratesi ni mwaamusungewo munikhukuni.”

⁵Vano kaarowa, kinamusunga wEfratesi ntoko Yave aakilamulenlaawe.

⁶Eviraleene mahuku mancipale, Yave aakeerela: “Murowe vano wEfratesi ni mwamukuxe laamba koolamulenlaakani omusungawo.”

⁷Vanonto, kaarowa wEfratesi, kinamuthupulula laamba kimvenxaka vanipuroni kaamusungalaakawo, mene vano aari oowuntta ni oohimutekoru.

⁸Vano Yave aahuulumatho ni miyo eeraka:

⁹“Yave oneera ha: ‘Mooteene yoowo kinoonanariha wiikuxa wa oYuda ni wiixoona otokotoko wa oYerusaleemu.

¹⁰Muloko ola wootakhala onkhootta wiiwa maswaaka, ottharaka ettiyamaaru ya mirimasaya, orumeelaka miluku sikina weera olape, okhaleke ntoko laamba ola — oohimutekoru.

¹¹Vano mooteene yoowo laamba onlipihaawe eyuunu ya mutthu, hiihotho koolipiha oYuda ni oYixrayeli wootheene weera okivarexexe, ni weera okhale mulokwaaka wa epilaaka, ottottopelawaka ni nttittimihonaka,’ onghima Yave. ‘Wa soothesene awosa khayaakiiwale.’

¹²“Mwaaleeletho: ‘Yave, Muluku a oYixrayeli oneera ha: Khula nipoottoro nisarihiweke eviinyu.’ Awosa yaaweerelakani: ‘Noosuwela weera khula nipoottoro nisarihiweke eviinyu,’

¹³vano mwaaleele: ‘Yave oneera ha: Kinoopakiha weera ootheene ankhala mweelaponi ela ehapalasiwe vamoha ni mamwene ankilaathi vahiceni ya emwene ya Davide, asaserdoti*, maprofeeti ni ootheene ankhala oYerusaleemu.

¹⁴Kinimwaanyaanya kaathataanyeraka mpaka asitiithi ni anamwanaaya asilopwana, onghima Yave. Hata ikharari hata murima wooreera naari osivela khookikhoottiha waaphwata.’”

¹⁵Mwiiwe nnenesene ni muhiixoone, niwoko Yave ohuuluma.

¹⁶Mumvuvihe Yave Mulukwaanyu ahinaaye oruuhela epiphi ni, inaawosananyu sihinaaye okwakwathuwa mmattumuxani oosareya epiphi. Nyuwo mungweherera waara, mene Owo onootatuxa epiphixa, aani Owo onootatuxa ewiriphi.

¹⁷Mene nyuwo mwaahiiwa, kinimwiinla muxiirini niwoko na wiixoonawanyu. Kinimwiinlaxa ni maithwaaka anoosareya maithori, niwoko muhuwo wa Yave onooronghiwa wootthukiwani.

¹⁸Mwamuleele mwene ni naangolo pwiyamwene: “Mukhuruwe vahiceniwanyu, niwoko icireembasanyu sa emwene soovuwa sinoomoroxiwa.”

¹⁹Isidade sa oNegeba sinoowaliwa ni khawoworu aneera awere ohula. aYuda ootheene anooroihiwa wootthukiwani; aani anooroihiwa ottaiwene.

²⁰Yerusaleemu, muhuleke maithwaanyu ni ngwoone yaawo anrweela mpatta wa ottuttuwani. Ori woowi muhuwo mwinnyereriwaanyu; ikhondoolo mwa seiyo mwiixooneraanyuno?

²¹Mmuhimeni mwaalamuliwaka ni yaawo mwaawiiraananaanyu? Munimoona ovoreya ntoko muthiyana ayaraka.

²²Vano nyuwo mwiikoha: “Eyo enkikhumelelelani?” Vano musuwele weera ti niwoko na sootthekasanyu sincipale ikuwosanyu sivenuleliwaaya ni nyuwo moopuheriwa.

²³Apaale muKuxe onoowera oceendya oriipawawe? Apaale havara onoowera oceendya malepaawe? Mooteene yoowo nyuwosa khamungweratho opaka yooreera niwoko mookhovelela opaka soonanara.

²⁴“Kinimoomwaraxani ntoko makamba amvavihiwa ni epheyo ya munikareni.

²⁵Ola ti mpattaanyu ni yeeyo koolakelenlaakani,” onghima Yave, “niwoko mookittiwala ni moororomela miluku soolokottha.

²⁶Yoomeene kinoovenula soowarasanyu mpaka ekhovaanyu weera wuulihiheyawanyu muru wooneye.

²⁷Miyo kohoona mitekosanyu sa mwiikho, oraruwawanyu ni soohaawelasanyu soonanara, soopuutasanyu sohuuliheya muru mmattumuxani ni mmatta. Ii! Wa nyuwo, oYerusaleemu! Mpaka yaakhani muneeraanyu mpwaherere okhala oohitteela?”