Read Makhuwa-Shirima Yoonasi 4 Bible Online

Yoonasi 4 - Makhuwa-Shirima bible

Yoonasi 4

¹Wa soothesene, Yoonasi khaahakalalelanxe yeeyo ni aanyoonyiwa.

²Owo aamvekela Yave: “Yave, kheehiyono yeela miyo kaahimalaaka nlelo kaaraka owaani? Ti yeeyo miyo kaatthawenlaka oTaresisi. Kaasuwela weera Nyuwo muri Muluku a ikharari, a murima wooreera, oopixa murima, oosareya osivela ni munroromeliha ottaruxa, mene vahoolowaya munooceendya.

³Vano Yave, miyo kinoodyoonttelelani: mukiive, niwoko wa miyo fataari okhwa ohikhanle okhala ni okumi.”

⁴Yave aamwaakhula: “Munnyoonyereliwa heeni?”

⁵Yoonasi aavenya, anakilaathi vanipuroni nimoha mpatta ninkhuma nsuwa wa esidade. Weiwe aahiitekela mukotthaawe, anakilaathi vamunttuusini ni aaweherera weera oone yeeyo yeera ekhumelele ni esidade.

⁶Vano Yave Muluku aammelihera mwiri Yoona weera ahelele munttuusi murwaawe ni ahooneke oviha nsuwa. Eyo yaamuhakalalihaxa Yoonasi.

⁷Wa soothesene, waaxiiye, Muluku aarumiha muungu weera okhuure mwiri ni ole waahuuma.

⁸Nikhumaka nsuwa, Muluku aarumiha epheyo yoovihaxa ekhumaka ninkhuma nsuwa ni nsuwa naamvihera Yoonasi mpaka ohaleela okomoka. Hiiho owo aahaawela okhwa eeraka: “Wa miyo waari fataari okhwa ohikhanle okhala ni okumi.”

⁹Mene Muluku aamweerela Yoonasi: “Nyuwo moophwanela onyoonyaxiwa moota ola mwaha wa mwiri?” Owo aamwaakhula: “Aani koophwanela! Koonyoonyiwa mpaka otthuna okhwa!”

¹⁰Yave aamweerela: “Nyuwo muneeteteela mwiri ola muhiphatteiyaanyu naari muhunnuwihalaanyu. Ola waamenle ohiyu omoha, onakhwa ohiyu omoha.

¹¹Wa soothesene, oNinive aakhalawo atthu 120 000 ahisuwenleru hata okawanyiha moono mulopwana ni muthiyana, ohiya mihuwo sincipale. Vano Miyo nkaawera weeteteela esidade etokotoko ela?”