Read Makhuwa-Shirima Nuumeru 2 Bible Online

Nuumeru 2 - Makhuwa-Shirima bible

Nuumeru 2

¹Yave aamweerela Moisesi ni Aharoni:

²“aYixrayeli ekoneleke muxerexere wa Eheema ya Muthukumano*, wooxuurakamelana — vathi wa eneneero ya emusaawe.

³Anakhotto ni atthu a oYuda ekoneleke vathi wa eneneerowaaya mpatta ninkhuma nsuwa. Anaahoolele aYuda ti Nahexoni, mwaana mulopwana a Aminadabi.

⁴Anakhottwaawe yaari asilopwana 74 600.

⁵Epuumba ya Isakari ekoneleke mpatta wa Yuda. Muhooleli a Isakari akhaleke Netaneli, mwaana mulopwana a Zuwari.

⁶Anakhottwaawe ari asilopwana 54 400.

⁷Enttharelana ti epuumba ya Zebuloni. Muhooleli a Zebuloni anaakhale Eliyabi, mwaana mulopwana a Heloni.

⁸Anakhottwaawe yaari ailopwana 57 400.

⁹Waatta wa anakhotto ootheene yaalepeliwe a waakonelingwe wa oYuda waari 186 400. Awosa ti eniipacere orowa.

¹⁰Mpatta wa ohitto ekhaleke anakhotto ni atthu a okonelingwe wa Rubeni, vathi wa eneneerowaaya. Muhooleli a aRubeni anaakhale Elisuri, mwaana mulopwana a Sediwuri.

¹¹Anakhottwaawe ari asilopwana 46 500.

¹²Epuumba ya Simeyoni ekoneleke mpatta wa Rubeni. Muhooleli a Simeyoni anaakhale Xalumiyeli, mwaana mulopwana a Zurixadayi.

¹³Anakhottwaawe ari asilopwana 59 300.

¹⁴Enttharelana ti epuumba ya Gadi. Muhooleli a Gadi anaakhale Eliyasafi, mwaana mulopwana a Deyuweli.

¹⁵Anakhottwaawe ari asilopwana 45 650.

¹⁶Waatta wa anakhotto yaalepeliwe a waakonelingwe wa aRubeni waari 151 450. Awosa eniikhale anaaveeli orowa.

¹⁷Woottharelana aLeevi anoorowa ekuxaleene Eheema ya Muthukumano* eriyari ya mukonelingwe mukina. Anoorowa mooteene yoowo eneeraaya ekonele, khula mutthu vanipuroniwawexa, vathi wa eneneerowaaya.

¹⁸Mpatta ninkela nsuwa eniikhale anakhotto ni atthu a okonelingwe wa Efrayimi, vathi wa eneneerowaaya. Muhooleli a awEfrayimi anaakhale Elixama, mwaana mulopwana a Amihudi.

¹⁹Anakhottwaawe ari asilopwana 40 500.

²⁰Epuumba ya Manaxe ekoneleke mukhwipi mwa Efrayimi. Muhooleli a Manaxe anaakhale Gamaliyeli mwaana mulopwana a Pedazuri.

²¹Anakhottwaawe ari asilopwana 32 200.

²²Woottharelana ti epuumba ya Benyamini. Muhooleli a Benyamini anaakhale Abidani, mwaana mulopwana a Gidiyoni.

²³Anakhottwaawe ari asilopwana 35 400.

²⁴Waatta wa anakhotto ootheene yaalepeliwe waakonelingwe wa Efrayimi waari 108 100. Awosa eniikhale anaararu orowa.

²⁵Mpatta wa ottuttuwani ekhaleke anakhotto ni atthu a okonelingwe wa Dani, vathi wa eneneerowaaya. Muhooleli a Dani anaakhale Ahizeri, mwaana mulopwana a Amixadayi.

²⁶Anakhottwaawe yaari asilopwana 62 700.

²⁷Epuumba ya Axeri ekoneleke mukhwipi mwa Dani. Muhooleli a Axeri, anaakhale Pagiyeli, mwaana mulopwana a Okrani.

²⁸Anakhottwaawe ari asilopwana 41 500.

²⁹Epuumba ya Nafitali, ti eniittharelane. Muhooleli a Naftali anaakhale Ahira, mwaana mulopwana a Enani.

³⁰Anakhottwaawe ari 53 400.

³¹Waatta wa asilopwana ootheene alepeliwe okonelingwe wa Dani, waari 157 600. Awosa eniikhale oomalihera orowa, vathi wa eneneerowaaya.

³²Ti yaala aYixrayeli yaalikeliwe, ettharihaka imusisaya. Waatta wa ootheene yaalikeliwe waakonelingwe, waari 603 550.

³³Wa soothesene, aLeevi khayaalikeliwe ni aYixrayeli akina, ntoko Yave aamulamulenlaawe Moisesi.

³⁴Hiiho aYixrayeli yaapaka sootheene Yave aamulamulenlaawe Moisesi; awosa yaakonela moota ole vathi wa eneneerowaaya, ni ola waari moota yaattimunlaaya, khula mutthu ni nihimonawe ni emusaawe.