Read Makhuwa-Shirima Nuumeru 26 Bible Online

Nuumeru 26 - Makhuwa-Shirima bible

Nuumeru 26

¹Niviraleene nihooxo, Yave aamweerela Moisesi ni Eleyazari, mwaana mulopwana a musaserdoti* Aharoni:

²“Mumpake namalepela, a muloko wootheene wa aYixrayeli, muttharihaka imusisaya; ngwaalikele ootheene a iyaakha miloko miili woorowa ohoolo angwera orumeela mukhottoni mwa aYixrayeli.”

³Vano mmareyareyani a oMowabe, muxerexere Yordanu, okhopela wa oYeriko, Moisesi ni musaserdoti* Eleyazari, yaahuuluma ni yaawosa yeeraka:

⁴Mumpake namalepela a asilopwana a iyaakha miloko miili woorowa ohoolo, ntoko Yave aamulamulenlaawe Moisesi.” Vanonto aYixrayeli yaakhumme wExipitu yaari ala:

⁵A ekhapira ya Rubeni, mwaana a ntthaara na Yixrayeli, yaari ala: mwa Henoki, nihimo na aHenoki; mwa Palu, nihimo na aPalu;

⁶mwa Hezeroni, nihimo na aHezeroni; mwa Karimi, nihimo na aKarimi.

⁷Ti yaala yaari a mahimo a Rubeni; yaale yaalikeliwe yaari asilopwana 43 730.

⁸Mwaana mulopwana a Palu aari Eliyabe,

⁹ni anamwane asilopwana a Eliyabe yaari Nemuweli, Datani ni Abirami. Datani ni Abirami, yaari ahooleli a muloko yaamvaannye Moisesi ni Aharoni, ereene eriyari ya anamatthara a Kora yaamvannyaaya Yave.

¹⁰Etthaya yaahuleya, enaamira vamoha ni Kora, mwa yaawo anamattharaaya yaakhwiiye waalalinghaaya mooro asilopwana macira meeli ni miloko mithanu. Awosa yaavareleya muteko ntoko eneneero yoowooperera.

¹¹Wa soothesene, ekhapira ya Kora, khayaalakaseiye.

¹²Ekhapira ya Simeyoni, ettharihiwaka mahimwaaya yaari: mwa Nemuweli, nihimo na aNemuweli; mwa Yamini, nihimo na aYamini; mwa Yakini, nihimo na aYakini;

¹³mwa Zera, nihimo na aZera; ya Xawuli, nihimo na aXawuli.

¹⁴Ala yaari mahimo a Simeyoni; yaari asilopwana 22 200.

¹⁵Ekhapira ya Gadi, ettharihiwaka mahimwaaya yaari: mwa Zefoni, nihimo na aZefoni; mwa Hagi, nihimo na aHagi; mwa Xuni, nihimo na aXuni;

¹⁶mwa Ozeni, nihimo na awOzeni; mwa Eri, nihimo na awEri;

¹⁷mwa Arodi, nihimo na awArodi; mwa Areli, nihimo na awAreli.

¹⁸Ala yaari mahimo a Gadi; yaale yaalikeliwe yaari asilopwana 40 500.

¹⁹Eri ni Onani yaari anamwane asilopwana a Yuda, mene yaakhwenle oKanaani.

²⁰Ekhapira ya Yuda, ettharihiwaka mahimwaaya, yaari: mwa Xela, nihimo na aXela; mwa Perezi, nihimo na aPerezi; mwa Zera, nihimo na aZera.

²¹Ekhapira ya Perezi yaari: mwa Hezeroni, nihimo na aHezeroni; mwa Hamuli, nihimo na aHamuli.

²²Ala yaari mahimo a Yuda; yaale yaalikeliwe yaari asilopwana 76 500.

²³Ekhapira ya Isakari, ettharihiwaka mahimwaaya, yaari: mwa Tola, nihimo na aTola; ya Puwa, nihimo na aPuwa;

²⁴mwa Yaxube, nihimo na aYaxube; mwa Ximeroni, nihimo na aXimeroni.

²⁵Ala yaari mahimo a Isakari; yaale yaalikeliwe yaari asilopwana 64 300.

²⁶Ekhapira ya Zebuloni, ettharihiwaka mahimwaaya, yaari: ya Seredi, nihimo na aSeredi; ya Eloni, nihimo na awEloni; ya Yaleyeli, nihimo na aYaleyeli.

²⁷Ala yaari mahimo a Zebuloni; yaale yaalikeliwe yaari asilopwana 60 500.

²⁸Ekhapira ya Yoseefe ettharihiwaka mahimwaaya, mwa Manaxe ni Efrayimi, yaari:

²⁹ekhapira ya Manaxe: mwa Makiri, nihimo na aMakiri (Makiri aari tiithi a Gileyade); mwa Gileyade, nihimo na aGiliyade.

³⁰Ekhapira ya Giliyade yaari ti ela: mwa Yezeri, nihimo na aYezeri; mwa Heleki, nihimo na aHeleki;

³¹mwa Aseriyeli, nihimo na awAseriyeli; mwa Xekhemi, nihimo na aXekhemi;

³²mwa Xemida, nihimo na aXemida; mwa Heferi, nihimo na aHeferi.

³³Zelofehadi, mwaana mulopwana a Heferi, khaarinoru anamwane asilopwana; aarino paahi anamwane asithiyana mwa yaawo masinaaya yaari: Mahela, Nowa, Hogela, Milka ni Tireza.

³⁴Ala yaari mahimo a Manaxe; yaale yaalikeliwe yaari asilopwana 52 700.

³⁵Ekhapira ya Efrayimi, ettharihiwaka mahimwaaya, yaari: mwa Xutela, nihimo na aXutela; mwa Bekeri, nihimo na aBekeri; mwa Tahani, nihimo na aTahani.

³⁶Ekhapira ya Xutela yaari ti ela: mwa Erani, nihimo na awErani.

³⁷Ala yaari mahimo a awEfrayimi, yaale yaalikeliwe yaari asilopwana 32 500. Ela yaari ekhapira ya Yoseefe, ettharihiwaka mahimwaaya.

³⁸Ekhapira ya Benyamini, ettharihiwaka mahimwaaya, yaari: mwa Bela, nihimo na aBela; mwa Axebeli, nihimo na awAxebeli, mwa Ahirami, nihimo na awAhirami;

³⁹mwa Sufami, nihimo na aSufami; mwa Hufami, nihimo na aHufami.

⁴⁰Ekhapira ya Bela, mwa Arede ni Naamani, yaari: mwa Arede, nihimo na awArede; mwa Naamani, nihimo na aNaamani.

⁴¹Ala yaari mahimo a Benyamini; yaale yaalikeliwe yaari asilopwana 45 600.

⁴²Ekhapira ya Dani, ettharihiwaka mahimwaaya, yaari: mwa Xuhami, nihimo na aXuhami. Ala yaari mahimo a Dani,

⁴³ootheenaawo yaari mahimo a aXuhami; yaale yaalikeliwe yaari asilopwana 64 400.

⁴⁴Ekhapira sa Axeri, ettharihiwaka mahimwaaya, yaari: mwa Yimena, nihimo na aYimena, mwa Yixevi, nihimo na aYixevi, mwa Beriya, nihimo na aBeriya;

⁴⁵ni a ekhapira ya Beriya: mwa Heberi, nihimo na aHeberi; mwa Malikiyeli, nihimo na aMalikiyeli.

⁴⁶Axeri aakhalano mwaana muthiyana mmoha iitthaniwa Sera.

⁴⁷Ala yaari mahimo a Axeri; yaale yaalikeliwe yaari asilopwana 53 400.

⁴⁸Ekhapira ya Nafitali, ettharihiwaka mahimwaaya, yaari: mwa Yahezeli, nihimo na aYahezeli, mwa Guni, nihimo na aGuni;

⁴⁹mwa Yezeri, nihimo na aYezeri; mwa Xilemi nihimo na aXilemi.

⁵⁰Ala yaari mahimo a aNafitali; yaale yaalikeliwe yaari asilopwana 45 400.

⁵¹Waatta wootheene wa aYixrayeli waari 601 730.

⁵²Yave aamweerelatho Moisesi:

⁵³“Elapo enookawaniwa eriyaraaya ntoko yoohiyeriwa, ottharihiwaka waatta wa masina alepingwe a khula nihimo.

⁵⁴Wa nihimo noowaattaxa mvahe yoohiyeriwa yoowaattaxa, ni wa nihimo nooyevaxa, mvahe yoohiyeriwa yooyevaxa; khula mutthu anaakhele yoohiyeriwaawe ottharihiwaka waatta wa oolepeliwa.

⁵⁵Wa soothesene, elapo, ekawiweke apakiwaka mwaathanle. Khula mutthu anaakuxe mpattaawe nittharihiwaka nsina na epuumba ya makholowaawe.

⁵⁶Khula yoohiyeriwa ekawiweke apakiwaka mwaathanle eriyari ya mahimo oowaattaxa ni ooyevaxa.”

⁵⁷aLeevi yaalikeliwe, ettharihiwaka mahimwaaya, yaari ala: mwa Gerexoni, nihimo na aGerexoni; ya Kohati, nihimo na aKohati; ya Merari, nihimo na aMerari.

⁵⁸Mahimo a aLeevi akinatho yaari ala: Nihimo na aLibeni; nihimo na aHeberoni; nihimo na aMaheli; nihimo na aMuxi; nihimo na aKora. Vano Kohati aari nikholo na Amerami.

⁵⁹Mwaariye Amerami iitthaniwa Yokebeti, a ekhapira ya Leevi, aayareliwe wExipitu. Owo aamuyara Aharoni, Moisesi ni murokorayasa Miriyami.

⁶⁰Aharoni aari tiithi a Nadabi, Abihu, Eleyazari ni Itamari.

⁶¹Vaheera Nadabe ni Abiwu yaahookhwa yaapakaaya yooveleela ni mooro woohitthuniheriwa vamaithoni wa Yave.

⁶²aLeevi asilopwana ootheene, a mweeri mmoha woorowa ohoolo, yaalikeliwe yaari 23 000. Khayaalikeliwe vamoha ni aYixrayeli akina niwoko khayaakhenle yoohiyeriwa eriyaraaya.

⁶³Ti yaala yaalepeliwe ni Moisesi ni musaserdoti* Eleyazari, yaawaalikelaaya aYixrayeli mureyareyani na oMowabe, muxerexere Yordanu, okhopela wa oYeriko.

⁶⁴Khaariworu naari mmoha a yaale eriyari ya yaale yaalikeliwe ni Moisesi ni musaserdoti* Aharoni, yaawaalikelaaya munikareni na oSinayi.

⁶⁵Yave aahaaleela weera yaamukhwela munikareni. Tivawo, ahaakhanlaaweru naari mmoha a yaawosa, ahikhanle paahi Kalebi, mwaana mulopwana a Yefune, ni Yoxuwa mwaana mulopwana a Nuni.