Read Makhuwa-Shirima Malekiya 4 Bible Online

Malekiya 4 - Makhuwa-Shirima bible

Malekiya 4

¹“Vano, vekhaikhai nihuku ntokotoko nnoophiyera ntoko ttukuttha. Anamwiixoona ootheene ni atakhali ootheene anookhala ntoko ikokhola, ni nihuku nno ninrwa onimwaapattela mooro,” oneera Yave a ikuru sootheene. “Khoohalaru mukwankhwaari naari mano nikukhu.

²Vaheera wa nyuwosa munttittimiha Nsinanaka, nsuwa na ekhaikhai nnookhuma niruuhaka olama ngwaaranimwaya. Hiiho, nyuwosa munookhuma mutupheke ntoko aximombe oohuleliwa munikhoolani.

³Vanihukuni kineeraaka kipake itthu iyo, munimwaattikittha atakhali; anookhala ntoko ittoko munaawonimwanyu,” oneera Yave a ikuru sootheene.

⁴“Muupuwelele nlamulo na murumeiyaaka Moisesi, ikano ni soolamulela kaamvanghaaka oHorebi, wa muloko wootheene wa oYixrayeli.

⁵Moone, Miyo kinimoorumihelasani mprofeeti Eliya nihinaaye ophiyera nihuku ntokweene ni noowoopiha na Yave.

⁶Owo onoopakiha weera mirima sa asitiithi, ni sa anamwanaaya siiraane; ohiyanawaya Miyo kinimoorwa kittaruxeke elapo ni malapho.”