Read Makhuwa-Shirima Matheyo 1 Bible Online

Matheyo 1 - Makhuwa-Shirima bible

Matheyo 1

¹Ela elivuru ya ikhapira sa Yeesu Kristu, Mwaana a Davide, mwaana a Abrahaamu:

²Abrahaamu aamuyanre Isaaki; Isaaki aamuyanre Yakobe ni Yakobe aamuyanre Yuda ni axunneiye.

³Yuda aamuyanre Perexi ni Seera. Amayawe Perexi ni Seera yaari Tamari. Perexi aamuyanre Hesironi; Hesironi aamuyanre Arami;

⁴Arami aamuyanre Aminadabi; Aminadabi aamuyanre Naasoni;

⁵Naasoni aamuyanre Salomoni ni Salomoni aamuyanre Bowasi. Amayawe Bowasi yaari Rakhabi. Bowasi aamuyanre Obeedi. Amayawe Obeedi yaari Ruuti. Obeedi aamuyanre Yixai;

⁶Yixai aamuyanre mwene Davide. Davide aamuyanre Salomoni. Amayawe Salomoni yaari mwaara a Uriya.

⁷Salomoni aamuyanre Robowamu; Robowamu aamuyanre Abiya; Abiya aamuyanre Asafi;

⁸Asafi aamuyanre Yoosafati; Yoosafati aamuyanre Yoorami; Yoorami aamuyanre Uziya;

⁹Uziya aamuyanre Yootami; Yootami aamuyanre Ahazi; Ahazi aamuyanre Hezekiya;

¹⁰Hezekiya aamuyanre Manaxe; Manaxe aamuyanre Amoni; Amoni aamuyanre Yoosiya;

¹¹Yoosiya aamuyanre Yekoniya ni axunneiye. Yaari ehuhuweene yeele atthu a oYixrayeli yaakuxiwaaya eronghiwaka elapo ya oBabiloniya.

¹²Yaamalihaaya ehuhuweene yeele, Yekoniya aamuyanre Salathiyeli ni Salathiyeli aamuyanre Zorobabeli.

¹³Zorobabeli aamuyanre Abiyuudi; Abiyuudi aamuyanre Eliyakimi; Eliyakimi aamuyanre Azoori;

¹⁴Azoori aamuyanre Zadoki; Zadoki aamuyanre Akhimi; Akhimi aamuyanre Eliyuudi;

¹⁵Eliyuudi aamuyanre Eleyazari; Eleyazari aamuyanre Mathani; Mathani aamuyanre Yakobe.

¹⁶Yakobe aamuyanre Yoseefe, aiyawe Mariya, mwa yoowo aayariwa Yeesu oniitthaniwa Kristu.

¹⁷Okhuma Abrahaamu mpaka Davide saari ikhapira muloko niixexe; okhuma ekhapira ya Davide mpaka ehuhu ya oBabiloniya saari ikhapira muloko niixexe, ni okhuma ehuhuweene yeele mpaka Kristu saari ikhapira muloko niixexe.

¹⁸Oyariwa wa Yeesu Kristu weereiye ha: Mariya, amayawe Yeesu, aatthomeriwe ni Yoseefe. Ahinaayetho otheliwa, aarupala ni ikuru sa Munepa Wootteela.

¹⁹Yoseefe, aiyawe Mariya, aari mulopwana oororomeleya. Khaatthunne omuulihiha muru Mariya mwaatthuni. Tivawo uupuwenlaawe omuhiya Mariya muxiirini.

²⁰Uupuwelaka hiiho, aahiixoonihera wa yoowo ndyelo a Apwiya moolohani, ni aamweerela: “Yoseefe, mwaana a Davide, ohoove omwaakhela Mariya ntoko mwaariyo, niwoko yeeyo erupaliwe ti ya Munepa Wootteela.

²¹Owo anaamuyare Mwaana Mulopwana, ni nyuwo mmunttehe Nsinanawe Yeesu, niwoko anaavuluxe mulokwaawe mwa sootthekasaya.”

²²Sootheene seiye seereiye weera sikwaniheriwe seiye Apwiya yaahimalaaya ni mprofeeti:

²³“Mwaamwali oowiikosoopa anaarupale, ni anaamuyare Mwaana Mulopwana ni atthu eniimwiitthane Emanuweli, entaphulela: Muluku ni hiyo.”

²⁴Woovenyani, Yoseefe aapaka yeeyo ndyelo a Apwiya aamurumalaawe, ni aamwaakhela Mariya ntoko amwaarawe.

²⁵Khaakonnenotho ahinaaye omuyara Mwaana. Vano, yaamutteha Nsinanawe Yeesu.