Read Makhuwa-Shirima Deuteronomiyo 34 Bible Online

Deuteronomiyo 34 - Makhuwa-Shirima bible

Deuteronomiyo 34

¹Vahoolowaya Moisesi aavenya mmisaatalani sa oMowabe anawela mwaako Nebo mpaka vatthomelani oniitthaniwa oPisega ori ohoolo wa oYeriko. Yave aamoonihera elapo yootheene ele ha: Okhuma oGiliyade mpaka oDani;

²oNafitali wootheene; elapo ya wEfrayimi ni oManaxe; elapo yootheene ya oYuda mpaka Ephareiya ya mpatta ninkela nsuwa;

³oNegeba ni elapo yootheene okhuma oreyareyani na oYeriko, esidade ya Mavare mpaka oZowari.

⁴Vano Yave aamweerela: “Ele ti elapo kaaroromenlinghaaka ni nlipelo omvaha Abrahaamu, Isaki ni Yakobe kaaweerenlaaka: ‘Kinoovaha ekhapiraanyu.’ Kohootthuniherani woona ni maithwaanyu, vaheera khamvolowamo.”

⁵Vanonto, Moisesi, murumeiyi a Yave, aakhwenle vaavaale, oMowabe, ntoko Yave aahimalaawe.

⁶Owo omvithenle oMowabe, mureyareyani nri ohoolo wa oBeti-Peyori, mene mpaka olelo khaawo osuwenle nihiyenawe.

⁷Moisesi okhwiiye ni iyaakha ncira nimoha ni miloko miili, maithwaawe ni ikurusawe khasaammalenle.

⁸aYixrayeli yaamwiinlelasa Moisesi oreyareyani na oMowabe wa mahuku miloko miraru mpaka okwanihera othanana ni olalamika.

⁹Vanonto, Yoxuwa, mwaana mulopwana a Nuni, aasarihiwa ni munepa wa miruku niwoko Moisesi aamwiikaathera matataawe. Hiiho aYixrayeli yannamwiiwelela epakaka yeeyo Yave aamulamulenlaawe Moisesi.

¹⁰oYixrayeli khakhumelenletho mprofeeti mukina ntoko Moisesi, mwa yoowo Yave aamoonnaawe ttunda ttunda

¹¹ni aapanke ineneero sootikhiniheya sootheene iye Yave aamurumihenlaawe ompakela Farawu* wExipitu, asitokweenaawe ootheene ni elapwaawe yootheene.

¹²Khawowo oonihenretho moota wa ikuru ntoko Moisesi, hata ovanre miteko soowoopiha ntoko opankaawe Moisesi vamaithoni wa aYixrayeli ootheene.