Read Makhuwa-Shirima 2 aKorinto 10 Bible Online

2 aKorinto 10 - Makhuwa-Shirima bible

2 aKorinto 10

¹Akina aneera weera, miyo kireene ni nyuwo, ‘kinkhala oowiiyeviha,’ mene kireene ottaiwene, ‘kinnoolipiherani.’ Vano, niwoko na murima woomaaleleya ni murima wooreera wa Kristu, miyo, Pawulo, kinoovekelani etthu.

²Kinoodyoonttelelani weera, kireene vamoha ni nyuwo, khawaatthuneya miyo waahiiha akina anuupuwela weera hiyo nimpwaherera ntoko ekhalelo ya omutthu.

³Naamwi nikhalaka ntoko atthu, khaningwana mweekhaleloni ya omutthu.

⁴Wa ikapwitthi hiyo ningwananaahu, khasihiyono sa omutthu, ohiyanawaya, siri sa ikuru mwa Muluku weera siphwate mmapuroni oolipaxa a amwiittana.

⁵Nimphwata owana ni masu, ni wiixoona wootheene oniikhumelelihera osuwela wa Muluku. Hiyo nimvara soowuupuwela sootheene weera sithatuwe soomwiiwelela Kristu.

⁶Hiyo nnikhale oolikaneene ottaruxa mukhalelo wa ohiiwelela wootheene, omwiiwelelawanyu Kristu waakwaniheriwaka.

⁷Nyuwo mungwehexexa omokoni wa itthu paahi. Akhala mukina oviriyeliwe weera ori a Kristu, ontthuneya weera owo asuweletho mwaneenaawe weera hiyo nri a Kristu, hiiho ntoko yoowo.

⁸Vano, hata miyo kiivuwihaka vakhaani niwoko na ikuru Apwiya anivanghaaya weera noopuhiheni ohikhanle woophwatani, nkirwa kuulihiwa muru.

⁹Nkintthuna weera kikhale ntoko kineerera owoopopihani ni ikarattasaka.

¹⁰Vano akina aneera: “Ikarattasawe siri soolipa ni soowali, mene ekhalelo ya erutthwaawe kheemvolowa mmurimani mwa atthu, ni maswaawe ari a siiyo.”

¹¹Esuwele nnenesene atthweene yaawo weera yeeyo nilempaahu mwa ikaratta nireene ottaiwene, nnikhaletho mmitekonimwahu nireene vamoha ni nyuwo.

¹²Khaningwera wiilikanxa, naari wiiphwanaphwaniha ni akina aniilaihera asineenaaya. Awo yiiphimaka ni yiilikanxaka asineenaaya, ampaka yeeyo ehisuwelaka etthu.

¹³Wa soothesene, hiyo khaniivuwiha woopwaha mwiinano wootthuneya, mene nnikotihe ovuwawahu mmwiinanoni wa muteko Muluku onivaherenraawe, mwa yoowo oniwoophiyereni mpaka nyuwo.

¹⁴Khanintupha mwiinaano wa ovuwawahu, ntoko weeraaya okhaleke hiyo nahoophiyenreni mpaka nyuwo, niwoko vekhaikhai nohoophiyerani nyuwo ni masu ooreeraxa.

¹⁵Mooteene yoowo, khanintupha mwiinanowaahu niivuwihaka mwa miteko akina apankaaya. Ororomelawahu ti wu: munnuwaka munroromeloni, mitekosahu nsithanuwe variyariwanyu,

¹⁶weera nilaleiye masu ooreeraxa wa ilapo siri wiithelawanyu, niwoko khanintthuna wiivuwiha wa muteko ovariwe mweelaponi sa mukina.

¹⁷Wa soothesene, “yoowo omvuwa, amvuwihe Muluku,”

¹⁸niwoko khanaakhuleliwa yoowo oniilaihera muneenaawe, mene yoowo Apwiya animlangheraaya.