Read Makhuwa-Shirima 2 aKorinto 3 Bible Online

2 aKorinto 3 - Makhuwa-Shirima bible

2 aKorinto 3

¹Weeraka hiyo nimpacera veeli wiivuwiha asineenaahu? Weeraka hiyo nintthuna, ntoko akina, ikaratta sa olaihera wa nyuwo, hoye hoye sa nyuwo?

²Nyuwo asineenaanyu muri ekarattaahu, elempwe mmurimanimwahu, esuweliwe ni esommwe ni ootheene.

³Nyuwo munoonihera weera muri ekaratta ya Kristu, emalihero ya mitekosahu, ehilempwale ni owiini, mene ni Munepa wa Muluku mukumi, kheelempwale vatthaabwani wa nluku, mene vatthaabwani wa mirima sa atthu.

⁴Ti nna nroromelo hiyo ninkhalaahuno ohoolo wa Muluku niwoko na Kristu.

⁵Eyo kheenoonihera weera hiyo ningwera opaka etthu ni owerawahu asineenaahu, ohiyanawaya, owerawahu onrweela wa Muluku.

⁶Owo ooniweriha weera nikhale arumeiyi a wiiraana onyowani, khoohiyono wa soolempwa, mene wa Munepa, niwoko soolempwa siniiva, mene Munepa omvaha okumi.

⁷Vano muteko oruuhale okhwa owiiye ni ovuwa, ni olempwe ni soolempwa vanlukuni, moota wooweera aYixrayeli khayaawenre owehexexa ekhove ya Moisesi niwoko na otutha wa ekhovaawe, hata oreene otutha woovireya.

⁸Waari hiiho, wootepa ovuwaxa ti muteko wa Munepa!

⁹Waari woovuwa muteko onruuhela othoriha, ovuwa heeni wootepaxa onuukhale muteko onruuhela waakhuleliwa ni Muluku?

¹⁰Vano, yeeyo yaari yoovuwa khalayi, kheehiyono ovuwa woolikanxera ni ovuwa wu woohilikanxereya.

¹¹Ni yeeyo yaavira yaari yoonihenre ovuwa, otepaxa heeni onuukhale ovuwa onkhala mahuku ootheene?

¹²Tivawo, woonaka weera nookhalano oweherera wu, hiyo nri oolipa murima.

¹³Hiyo khanihiyono ntoko Moisesi, iiyaathi ecireemba owiithowawe weera aYixrayeli ehoone otutha woovira.

¹⁴Vekhaikhai, soowuupuwelasaya soowaliwa, niwoko mpaka olelo ecireemba eyo enkhala waasommwaka Wiiraana wa Khalayi. Kheevenxiwe, niwoko emvenxiwa mwa Kristu paahi.

¹⁵Mwa yeeyo mpaka olelo, saasommwaka ilivuru sa Moisesi, ecireemba enkhuneela mirimasaya.

¹⁶Mukinatho aarukunxelaka murimaawe Apwiya, ecireemba enoovenxiwa.

¹⁷Moone, Apwiya ti Munepa, ni weiwo oraaya Munepa wa Apwiya, iwo wookhalawo oneethi.

¹⁸Hiyo ootheene nri ni ekhove yookhunuliwa, ninoonihera ovuwa wa Muluku. Ni hiiho nintatuxiwa moovuwani woowunnuwa onrweela wa Apwiya ori Munepa, weera nilikanyihiwe ntoko mukhalelo wa Yoowo.