Read Makhuwa-Shirima 2 aKorinto 8 Bible Online

2 aKorinto 8 - Makhuwa-Shirima bible

2 aKorinto 8

¹Axunnaka, nintthuna weera musuwele wa mahala Muluku ovanghaawe ikerexa sa oMasedoniya.

²Mwa soohooxa sitokotoko, ohakalalawaya otokotoko ni ohaawaxawaya wookhumiha ovaha woowaattaxa.

³Vano, kinkhalela onamoona weera yaavaha sootheene yaaweraaya, ni mpakatho yahaaweraaya. Wa otthunawaya asineenaaya,

⁴awo yaanidyoonttelela, eninyesereraka weera ekhale vamoha mmutekoni owo woowaakhavihera ootteela.

⁵Ni khayaapanke paahi yeeyo naaweherenraahu, mene yaahiixinnyerera toko wa Apwiya, ni vahoolowaya wa hiyotho ntoko Muluku ontthunaawe.

⁶Hiiho, woonaka weera Titu aapacera, naamulaihera weera akwanihere muteko ola wa mahala variyariwanyu.

⁷Hiiho ntoko nyuwo munaattano mwa soothesene: mwa nroromelo, mwa masu, mwa osuwela, mwa nthiti nookwanela, ni mwa onisivelawanyu, hiihotho mwaatteno mwa muteko ola wa ovaha.

⁸Miyo nkinoolamulani, mene kintthuna owehexexa ekhaikhai ya osivelawanyu, kilikanxaka iwo ni nthiti na akina.

⁹Nyuwo moosuwela mahala a Apwiyaahu Yeesu Kristu, weera arookhalaru oopuha, yaahiipaka oohaawa weera, niwoko na ohaawawaya, nyuwo muthatuwe oopuha.

¹⁰Wu ti olakawaka mwaha wa yeeyo eri wa mpuhaanyu. Okhuma mwaisana nyuwo mwaari oopacera, ohikhanle paahi ovaha musurukhu, menetho ohaawela opaka yeeyo.

¹¹Vano, mmaliheke muteko ola, weera otthunawanyu otokotoko opaka yeeyo olikanxiwe ni nthiti noomaliha ntoko yeeyo muraanyuno.

¹²Wakhala otthuna, ovaha ti woowaakheleya ntoko yeeyo mutthu orinaawe, ehikhanle ntoko yeeyo ohikhalannaawe.

¹³Otthunawahu khoohiyono weera akina epuhe vaheera nyuwo muhaawe, mene weera olikane.

¹⁴Wa ehuhu ela, waattawanyu onuukhavihere sohaawasaya, weera ehuhu ekina waattawaya okhavihere sohaawasanyu. Vano, onuukhale woolikana,

¹⁵ntoko elempwalaaya: “yoole ohemphe vancipale khaarino yoowaattaxa, ni yoole ohemphe vakhaani khaathoiwe.”

¹⁶Kinimutthapela Muluku, ohenle mmurimani mwa Titu opwatthawene weiwo miyo kookhalenlaakani nyuwo.

¹⁷Titu khaakhelenle paahi nivekelonahu, mene aalakela ni otthunawawe ni munthitini ntokotoko orowa mpaka wa nyuwo.

¹⁸Vamoha ni yoowo nnimuruma munna owo olaiheriwe ni ikerexa sootheene niwoko na muteko wa masu ooreeraxa.

¹⁹Kheehiyono paahi yeeyo, mene owo oothanliwatho ni ikerexa weera anihoole naarowaka ovara muteko ola wa ikharari, nimpakaahu weera naavuwihe Apwiya aneenaaya ni weera niwoonihere otthunawahu okhavihera.

²⁰Nintthuna nisembe weera ahinoothere akhalaru mutthu mwaha wa mavarelowaahu miteko samahala sitokotoko iya.

²¹Vano, ninniipasoopa woopaka yeeyo eri yooreera, khoohiyono paahi ohoolo wa Apwiya, menetho ohoolo wa atthu.

²²Ohiya toko yeeyo, ninoomuruma ni yaawo munnihu, yoowo imaara sincipale ni wa mikhalelo sincipale oonoonihera weera ori ni nthiti, ni vano nootepaxa niwoko na woororomelani otokotoko owo oraaweno.

²³Vano, wa Titu, owo mukhwaaka, ni omvara muteko vamoha ni miyo. Wa axunnihu, awo ari arummwa a ikerexa ni nttittimiho wa Kristu.

²⁴Tivawo, ohoolo wa ikerexa, ngwoonihere axunna awo osivelawanyu woowooneya ni nthowa na ovuwa nraahuno.