Read Makhuwa-Shirima awEfeso 4 Bible Online

awEfeso 4 - Makhuwa-Shirima bible

awEfeso 4

¹Ntoko ootthukiwa mwa Apwiya, kinoodyoonttelelani weera mweettele mukhalelo woophwanelela wiitthaniwa mwaakhenlaanyu.

²Mukhale oowiiyevihaxa, oomaala murima, oopixa murima, muvilelanaka moosivelani.

³Mwiilipihere weera muthokorore omoharu wa Munepa ni yookumanela ya murettele.

⁴Yookhala erutthu emoharu ni ori Munepa mmoharu paahi, mooteene yoowo ntoko nyuwo mwiitthaniwaanyu mwa nroromelo nimoha paahi,

⁵ari Apwiya amoharu paahi, nroromelo nimoharu paahi, opatiso omoharu paahi,

⁶Muluku mmoharu paahi ori Atiithi a ootheene, wa ootheene, ni mwa ootheene.

⁷Vano, wa khula mutthu a hiyo oovahiwa mahala mwaha wa muringo ovahiwe ni Kristu.

⁸Tivawo ehimmwalaaya: “Awelakaru wiirimu, yaakuxiwa ootthukiwa ottuliwawe ni aahaavaha atthu samahala.”

⁹Nsu neenre “Awelakaru” nintaphulela ni ekhaikhai weera, ehinaaye yeeyo, Owo aakhuruwelatho moowiixera wa etthaya.

¹⁰Owo aakhurungwe ti Yoowo aawenle osulu erimu yootheene weera asarihe itthu sootheene.

¹¹Vano Owo ohaathanla akina weera ekhale arummwa, akina maprofeeti, akina anamalaleiya a masu ooreeraxa, akina akukhuli, ni akinatho ahusiha.

¹²Hiiho aatthuna waarehererela ootteela mutekwaaya, weera erutthu ya Kristu ekhale yoowunnuwihiwa,

¹³mpaka hiyo ootheene niphiye wa omoharu wa nroromelo ni wa omusuwela Mwaana a Muluku, ni mpaka niphiyetho wootokweeneni nikwaniheraka muringo wookwanela wa Kristu.

¹⁴Hiiho hiyo khanikhalatho anamwane, nikuxiwe wa mpatta mukina ni mukhwaaya ni mitekuteku, hata khannoopeliwa wa nno ni iwe ni epheyo yootheene ya mahusiho makina, naari niwoko na soovaanela soolokottha soowootha sa atthu anaathweeleliha akina mphironi ya ekhaikhai.

¹⁵Ohiyanawaya, nittharaka ekhaikhai mwa osivela, hiyo ninunnuwa mwa sootheene mwa Yoole ori muru, eyo tiiyo Kristu.

¹⁶Ti mwa Yoowo erutthu yootheene enkhalaaya yoolipeene, ekumanihiweene ni mikumano sootheene, ni enunnuwaaya, nitho eniipuhihaaya mwaneenaaya moosivelani, mipatta sootheene sivaraka mitekosaya.

¹⁷Hiiho miyo kinooleelani, ni mwa Apwiya kinnanyeserera, weera muheettetho ntoko amalapo, aneetta mwa soowuupuwelasaya sa siiyo.

¹⁸Soowuupuwelasaya siri sooriipihiweene, ni awo aamwalamwaxiwa ni okumi wa Muluku niwoko na ohisuwela ori mwa yaawo onrweela wa wuuma mirimasaya.

¹⁹Atthweene yaawo, eriheiyeene soowuupuwela sa nnene, yaahiiveleela moohuureyani, epakaka ni ohiisuumaaliha murima mikhalelo sootheene sa ohitteela.

²⁰Wa soothesene, khamuxuttenre nyuwo mooteene yoola omusuwela Kristu.

²¹Mwa yeeyo, nyuwo mohiiwa yuulummwaka ya Yoowo ni mwa Yoowo mooxuttihiwa mwaha wa ekhaikhai eri mwa Yeesu.

²²Vano, mwaha wa mweettelo wa khalayi, nyuwo mwaaxuttihiwa weera mwiirule wa mutthu a khalayi, oniinanariha ni soohaawela soolokottha,

²³weera sitatuxiwe sinyowani soowuupuwelasanyu sa mmunepani,

²⁴ni weera mungwaretho mutthu munyowani, opakiwe weera alikane ni Muluku moororomeleyani ni muntteelihoni na ekhaikhai.

²⁵Tivawo khula mutthu a nyuwo ahiye wootha ni uulume ekhaikhai wa mukhwaawe, niwoko ootheene nri mipatta sa erutthu emoharu yeeyo.

²⁶Nyuwo mwaanyoonyiwaka, muhittheke. Ni ohiile nyuwo nlelo munyoonyiweene,

²⁷nitho muhimvahe nipuro Satana.

²⁸Yoowo iiya, ahiiyetho. Ohiyanawaya, avare muteko, apakaka etthu yootthuneyaxa ni matataawe weera akhalane etthu yoomvaha yoowo ori moohaawani.

²⁹Ehikhume mmwaanomwanyu masu oonanara, mene masu paahi angwera waapuhiha akina ntoko entthuneyaaya weera yaavahe mahala yaale aniiwa.

³⁰Muhithananihe Munepa Wootteela wa Muluku, mwa Yoowo nyuwo mohiiyaatheriwa eneneero wa nihuku na ovuluxiwa.

³¹Mwiixoopole wa soowaawa, owali, onyoonyiwa, waakhulana, waapa, nitho wa soonanara sootheene.

³²Mureerelane murima mmorelanaka ikharari mukina ni mukhwaawe, mulevelelanaka ntoko Muluku oolevelenlaaweni mwa Kristu.