Read Makhuwa-Shirima aKolosi 2 Bible Online

aKolosi 2 - Makhuwa-Shirima bible

aKolosi 2

¹Kintthuna weera musuwele moota kingwanaaka mwaha wa nyuwo, ni wa yaawo ari oLawodiseiya, nitho wa ootheene ahinaaye okisuwela.

²Kimvara muteko weera ekhale oolipihiweene mirimasaya, ni ekhale vamoha moosivelani ni ewere mihakhu sootheene ni esuwelo yootheene weera esuwele nnenesene ntikhinelo na Muluku, eyo tiiyo Kristu.

³Mwa Yoowo soovithiwa mihakhu sootheene sa miruku ni sa esuwelo.

⁴Miyo kinooleelani yeeyo weera ahikhale mutthu aneera oolokottheni ni masu oolokottha.

⁵Vano, naamwi kihikhalaka weiwo mweerutthuni, miyo kiri ni nyuwo mmunepani ni koohakalala woowoona makhalelowaanyu ooreera ni moota mulipalaanyu munroromeloni murinaanyu mwa Kristu.

⁶Tivawo hiiho ntoko nyuwo mmwaakhenlaanyu Kristu Yeesu ntoko Apwiya, mpwaherere okhala mwa Yoowo,

⁷muthipeliweene ni mupuhihiweene nnenesene mwa Yoowo, mulipihiweene munroromeloni, ntoko muxuttihiwaanyu, mwaattaka mootthapelani.

⁸Mwiipasoope weera ahikhale mutthu aneera oopakeeni ipottha sa miruku sa siiyo ni soolokottha sinrweela wa ikhovelelo sa atthu ni makhalelo a elapo ya vathi ela, ohikhanle wa Kristu.

⁹Vano, mwa Kristu enkhala ekwanihero yootheene ya omuluku mweerutthuni,

¹⁰ni mwa Yoowo ori muru a ikuru ni olamula wootheene nyuwo mohaakhela ekwanihero.

¹¹Mwa Yoowo nyuwo mohiineliwatho, khoohiyono wiineliwa ompakiwa mweerutthuni, mene wiineliwa opakiwe ni Kristu, mwa weiwo ori oruliwa wa mukhalelo wootthekeya wa erutthu.

¹²Yeeyo yeereiye nyuwo mwaavithiwaanyu vamoha ni Kristu moopatisani ni mwaavenyererihiwaanyu ni Yoowo niwoko na nroromelonanyu mukuruni sa Muluku, mwa Yoowo omvenyererihale Kristu mookhwaani.

¹³Nyuwo mwaaraanyu ookhweene mootakhalani ni moohiineliwani wa erutthwaanyu, Muluku ohoohihimuxani vamoha ni Kristu. Owo oonilevelela sootakhala sootheene,

¹⁴ni aamaliha ekaratta ya sookopasahu ni soonyesereriwasaya, mwa seiyo saanoothenre hiyo niwoko na nlamulo. Owo aavenxa ekaratta ele, akhomelaka vamuttandani,

¹⁵ni awaakhaka ikapwitthi sa ikuru ni otokweene aahuulihiha muru mwaatthuni, awinaka seiye vamuttandani.

¹⁶Tivawo muhimuhiye mukina oothorihakani niwoko na yeeyo nyuwo munkhuuraanyu, naari mungwuraanyu, hoye hoye niwoko na efesta ekina ya ediini, naari na wuupuwelela nyeeri sinyowani, hoye hoye nihuku na eSaabadu.

¹⁷Itthu iya siri irungu sa yeeyo yeera erwe; wa soothesene, ekhaikhai emphwanyaneya mwa Kristu.

¹⁸Muhimuhiye mukina oniixeera oowiiyeviha ni onaalapa andyelo awooceelihakani owina ntthuvelo. Mutthweene yoowo onthaliha nnenesene nyoonelosawe ni soowuupuwelasawe sa erutthu sinthatuwa soowiixoona.

¹⁹Owo khanlipihiwa vamoha ni Muru ori Kristu. Niwoko na Yoowo erutthu yootheene, yoolipihiwa ni yookumanyihiwa munkumana ni misemba, engwera wunnuwa, ntoko Muluku ontthunaawe.

²⁰Woonaka weera mohookhwa vamoha ni Kristu wa mikhalelo sa elapo ya vathi, heeni munttharaanyu ikano sa ele, ntoko nlelo muri a yeeyo?

²¹Kinghima sa ikano ntoko: “Muhivarele muteko! Muhilawihe! Muhitave!”

²²Itthu sootheene iyo nsiriheye muhoolo, niwoko sinrweela wa malamulo ni mahusiho a mutthu.

²³Ikano seiyo sookhalano wiixeera wa miruku, niwoko siniixeera moota wa ediini, wa wiiyeviha ni wa wiixuumaaliha erutthu. Vaheera iyo khasimvareleya muteko, niwoko khasingwera olamula soohaawela sa erutthu.