Read Makhuwa-Shirima 1 aTesalonika 1 Bible Online

1 aTesalonika 1 - Makhuwa-Shirima bible

1 aTesalonika 1

¹Ya Pawulo, Silvano ni Timootheyo, wa ekerexa ya aTesalonika mwa Muluku Atiithi ni Apwiya Yeesu Kristu: wa nyuwo mahala ni murettele.

²Ninnamutthapela Muluku wa ootheene nyuwo, nooromolakani nyuwo mmavekelonimwahu.

³Ninnuupuwelela mahuku ootheene vamaithoni wa Muluku mitekosanyu sinruweriwa ni nroromelo; nthitinanyu nneettihiwa ni osivela, ni ovilelawanyu onrweela wa waaweherera Apwiyaahu Yeesu Kristu.

⁴Axunna oosiveleya mwa Muluku, noosuwela weera Owo oothanlaleni,

⁵niwoko maswaahu ooreeraxa khayoophiyenreni nyuwo ni masu paahi, menetho ni ikuru, ni mwa Munepa Wootteela, ni mooviriyelani wootheene. Nyuwo moosuwela mweettelo naaraahuno variyariwanyu niwoko na nyuwo.

⁶Mwa yeeyo, nyuwo moothatuwa anamatakihaahu, ni a Apwiya. Waarookhalaru ohaawa wincipale, nyuwo mwaahaakhela masu a Muluku ni ohakalala onrweela wa Munepa Wootteela.

⁷Ni hiiho moothatuwa ethoonyero wa aKristu ootheene ari oMasedoniya ni wAkhaya.

⁸Vano, okhuma wa nyuwo mutthenga wa Apwiya waamwaramwareya, khoohiyono paahi oMasedoniya ni wAkhaya, menetho mweelaponi yootheene nroromelo nyuwo murinaanyu mwa Apwiya noosuwanyeya. Tivawo ohintthuneyaaya ohima etthu ekina mwaha wa yeeyo.

⁹Atthweene yaawo anthaliha moota nyuwo mwaanaakhenlaanyu, ni moota muhokoleenlaanyu wa Muluku, muhiyaka miluku sikina weera munrumeele Muluku mukumi ni a ekhaikhai,

¹⁰ni moota mungwehereraanyu wiirimu orwa wa Mwanawe, mwa Yoowo Muluku omvenyererihalaawe mookhwaani: Yeesu, omvuluxa wa isara sineera sirwe.