Read Makhuwa-Shirima Yoxuwa 15 Bible Online

Yoxuwa 15 - Makhuwa-Shirima bible

Yoxuwa 15

¹Mipatta sa elapo saakaweliwe epuumba ya Yuda, nihimo ti nihimo, saakhumme elapo ya wEdomi, wa nikare na oZini ori mpatta wa ohittoxa.

²Mwiinanowaaya wa ohitto waakhuumme omuxeloni ori mpatta wa ohitto Ephareiya ya Maakha,

³onavira mpatta wa ohitto wa ekhato ya Walisi, opwahereraka oZini ni woovenya vaavaawo mpaka mpatta wa ohitto wa oKadexi-Bareneya. Vahoolowaya waavira oHezeroni mpaka wAdara ni waarukureera wookela oKareka.

⁴Woovenya vaavaale waapwaherera mpaka wAzemona wookela Nxaapwa na wExipitu okotaka mphareiya. Owo waari mwiinano wa ohitto.

⁵Mwiinano wa mpatta ninkhuma nsuwa waari Ephareiya ya Maakha mpaka omahelano wa Yordanu. Mwiinano wa mpatta wa ottuttuwani waapacenre omuxeloni wa ephareiya mukerekhere wa mahelano a Yordanu,

⁶onawelela mpaka oBeti-Hogela, onavira ottuttuwani wa oBeti-Araba mpaka nluku na Bohani, mwaana mulopwana a Rubeni.

⁷Mwiinano waakhuma oDebir okelaka vareyareyani na wAkori ni waarukureera okottoombelaka mpatta wa ottuttuwani wookela oGiligali, ohoolo wa ekhato ya wAdumimi, mpatta wa ohitto wa vareyareyani. Waavira mmaahini a wEni-Xemexi orowaka mpaka wEni-Rogeli.

⁸Okhuma vaavaale waawelela nreyareya na oBen-Hinomi, mpatta wa ohitto wa esidade ya aYebusi (eyo tiiyo oYerusaleemu). Okhuma vaavaale waawelela mpaka vasulu mwaako, mpatta ninkela nsuwa wa nreyareya na oHinomi, mpatta wa ottuttuwani wa nreyareya na oRefayimi.

⁹Okhuma vasulu wa mwaako mwiinano waapwaherera onaattuuttuni wa maahi a oNefetowa mpaka mittetthe sa mwaako wEfroni, okhuruwelaka wookela oBahala ori oKireyati-Yeharimi.

¹⁰Vano okhuma oBahala waakottoombela mpatta ninkela nsuwa mpaka omwaako Seyiri, opwahereraka mpatta wa ottuttuwani wa mwaako oYeharimi (ori oKesaloni). Woottharelana waapwaherera okhuruwelaka mpaka oBeti-Xemexi ni waavira oTimena.

¹¹Vahoolowaya waarowa mpatta wa ottuttuwani wa mwaako wEkroni, okottoombelaka wookela oXikerona, opwahereraka mpaka omwaako Bahala ni waaphiya oYabeneyeli okotaka mphareiya.

¹²Mwiinano wa mpatta ninkela nsuwa waari Ephareiya Etokotoko. Saari ti seiya nyiinano sa oYuda mmipattani moothemwene, ettharihiwaka mahimwaaya.

¹³Yoxuwa aamvaha Kalebi, mwaana mulopwana a Yefune, mpatta wa oYuda, ntoko Yave aamulamulenlaawe. Aamvaha oKiriyati-Arba, eyo tiiyo oHeberoni. Vano Arba aari nikholo na Enaki.

¹⁴Kalebi aawoomola oHeberoni awAnaki araru, Xexai, Ahimoni ni Talema, ekhapira ya Enaki.

¹⁵Okhuma vaavaale aahaawanano amaki a oDebiri (khalayeene wiitthaniwa oKiriyati-Seferi).

¹⁶Vano Kalebi aaheera: “Mulopwana aneera awine oKiriyati-Seferi, kinoomvaha mwanaka muthiyana, Akesa, weera amuthele.”

¹⁷Oteniyeli, mwaana mulopwana a Kenazi, munneiye Kalebi, aawina, tivawo Kalebi aamvanghaawe mwanawe, Akesa, anamuthela.

¹⁸Akesa arowakaru okhala ni Oteniyeli, owo yaamvorenghela murima, aavekenle ematta wa atithawe. Akesa akhuruwakaru vabuuruniwawe, Kalebi aamukoha: “Muntthunani?”

¹⁹Owo aamwaakhula: “Kintthuna mukivahe etthu. Mweenre mukivahaka elapo eri oNegeba, mukivahetho anaattuuttu a maahi.” Hiiho Kalebi aamvaha anaattuuttu akina a osulu ni a vathi.

²⁰Vano, yoohiyeriwa epuumba ya Yuda wa khula nihimo ti ela:

²¹Isidade saari mpatta wa ohittoxa sa epuumba ya Yuda oNegeba wookela omwiinanoni wEdomi saari: oKabezeyeli, wEderi, oYaguri

²²oKina, oDimona, wAdada,

²³oKedexi, oHazori, wItenani,

²⁴oZifi, oTelemi, oBeyaloti,

²⁵oHazori-Hadata, oKeriyoti-Hezeroni (eyo tiiyo oHazori),

²⁶wAmami, oXema, oMolada,

²⁷oHazari-Gada, oHexemoni, oBet-Peleti,

²⁸oHazari-Xuwali, oBerxeba, oBizeyoteya

²⁹oBahala, wIyimi, wEzemi,

³⁰wEletolade, oKesili, oHorema,

³¹oZikalagi, oMademana, oSanesana,

³²oLebawoti, oXileyimi, wAyini ni oRimoni. Saari isidade miloko miili niithanniixexe ni mitteettesaya.

³³Mukerekhere nyaako, mpatta ninkela nsuwa: wExtawoli, oZora, wAxena,

³⁴oZanowa, wEni-Ganimi, oTapuwa, wEnami,

³⁵oYaremuti, wAdulami, oSoko, wAzeka,

³⁶oXaharayimi, wAditayimi ni oGedera (hoye hoye oGederotayimi). Saari isidade muloko niixexe ni mittetthesaya.

³⁷oZenani, oHadaxa, oMigedal-Gadi,

³⁸oDileyani, oMizepa, oYoketeyeli,

³⁹oLakixi, oBozekati, wEgeloni

⁴⁰oKaboni, oLahemasi, oKitelixi,

⁴¹oGederoti, oBeti-Dagoni, oNahama, oMakeda. Saari isidade muloko niithannamosa ni mittetthesaya.

⁴²oLibena, wEteri, wAxani,

⁴³wIfeta, wAxena, oNezibi,

⁴⁴oKeyila, wAkezibi, oMarexa. Saari isidade ithanniixexe ni mittetthesaya.

⁴⁵wEkeroni ni iboomasaya ni mittetthesaya;

⁴⁶okhuma wEkeroni mpaka ophareiya, isidade sootheene sookhuveela wAxidoti ni mittetthesaya;

⁴⁷wAxidoti ni iboomasaya ni mittetthesaya; oGaza ni iboomasaya ni mittetthesaya mpaka Nxaapwa na wExipitu ni mukerekhere Ephareiya Etokotoko.

⁴⁸Ilapo sa mmanyaakoni: oXamiri, oYatiri, oSoko

⁴⁹oDana, oKiriyati-Sana (eyo tiiyo oDebiri),

⁵⁰wAnabi, wExetemo, wAnimi

⁵¹oGoxeni, oHoloni, oGilo. Saari isidade muloko niimoha ni mittetthesaya.

⁵²wArabi, oDuma, wExeyani,

⁵³oYanimi, oBeti-Tapuwa, wAfeka

⁵⁴oHumeta, oKiriyati-Arba (eyo tiiyo oHeberoni) ni oZiyori. Saari isidade ithanniixexe ni mittetthesaya.

⁵⁵oMawoni, oKaremeli, oZifi, oYuta,

⁵⁶oYizereyeli, oYokedeyami, oZanowa,

⁵⁷oKayini, oGibeya ni oTimena. Saari isidade muloko ni mittetthesaya.

⁵⁸oHalehuli, oBeti-Zuri, oGedori,

⁵⁹oMaharati, oBet-Anoti ni wEletekoni. Saari isidade ithannamosa ni mittetthesaya.

⁶⁰oKiriyati-Bahali* (eyo tiiyo oKiriyati-Yeharimi) ni oRaba. Saari isidade piili ni mittetthesaya.

⁶¹Munikareni: oBet-Araba, oMidini, oSekaka,

⁶²oNibexani, esidade ya maakha, ni wEni-Gedi. Saari isidade ithannamosa ni mittetthesaya.

⁶³Vano aYuda khayaawenre owoomola aYebusi yaamanke oYerusaleemu. Mpaka olelo aYebusi amanke weiwe vamoha ni aYuda.