Read Makhuwa-Shirima Yoxuwa 19 Bible Online

Yoxuwa 19 - Makhuwa-Shirima bible

Yoxuwa 19

¹Emaara yanaaveeli yaareereliwe epuumba ya Simeyoni, nihimo ti nihimo. Yoohiyeriwaaya yaari mpuwa mweelaponi ya Yuda.

²Awosa yaahaakhela: oBerxeba, oXeba, oMolada,

³oHazari-Xuwali, oBala, wEzemi,

⁴wEletolade, oBetuli, oHorema,

⁵oZikalagi, oBeti-Marekaboti, oHazari-Susa,

⁶oBeti-Lebawoti, oXaruheni. Saari muloko ni tthaaru ni mittetthesaya.

⁷wAyini, oRimoni, wEteri ni wAxani. Saari isidade ixexe ni mittetthesaya

⁸ni mittetthe sootheene soowaattamela isidade iye mpaka oBahalati-Beheri (eyo tiiyo oRama) ori oNegeba. Ela yaari yoohiyeriwa ya epuumba ya Simeyoni, nihimo ti nihimo.

⁹Vano yoohiyeriwa ya epuumba ya Simeyoni yaavenxiwe mwa oYuda, yeenre elapo ya epuumba ya Yuda yaavikanaka. Hiiho epuumba ya Simeyoni yaahaakhela yoohiyeriwaaya mpuwa mweelaponi ya oYuda.

¹⁰Emaara yanaararu yaareereliwe epuumba ya Zebuloni, nihimo ti nihimo. Mwiinano wa yoohiyeriwaaya waarowa mpaka oSaridi.

¹¹Okhuma vaavaale waarowa mpatta ninkela nsuwa, onaphiya oMareyala, oviraka oDabexeti, opwahereraka mpaka nxaapwa nookhuveela oYokeneyami.

¹²Okhuma oSaridi waakottoombela mpatta ninkhuma nsuwa wookela oKiseloti-Tabori opwahereraka mpaka oDaberati, onawelela mpaka oYafiya.

¹³Vahoolowaya waapwaherera mpaka mpatta ninkhuma nsuwa, orowaka oGati-Heferi ni wEti-Kazini, ophiyaka oRimoni, onakottoombela oNeya.

¹⁴Okhuma mpatta wa ottuttuwani mwiinano waahokoleela oHanatoni, onakotela nreyareya na wEfita-Eli.

¹⁵Saatakanseriwatho saari isidade sa oKatali, oNahalali, oXimenroni, oYideyala ni oBeteleheemu. Saari isidade muloko ni piili ni mittetthesaya.

¹⁶Vano isidade iye ni mittetthesaya saari yoohiyeriwa ya epuumba ya Zebuloni, nihimo ti nihimo.

¹⁷Emaara yanaaxexe yaareereliwe epuumba ya Isakari, nihimo ti nihimo.

¹⁸Elapwaaya yaarino isidade iya: oYizereyeli, oKesuloti, oXunemi,

¹⁹oHafarayimi, oXiyoni, wAnaharati,

²⁰oRabiti, oKixeyoni, wEbezi,

²¹oRemeti, wEni-Ganimi, wEni-Hada ni oBeti-Pazezi.

²²Mwiinano waaphiya oTabori, oXahazuma ni oBeti-Xemexi, onakotela muYordanu. Saari isidade muloko niithannamosa ni mittetthesaya.

²³Vano isidade iye ni mittetthesaya saari yoohiyeriwa ya epuumba ya Isakari, nihimo ti nihimo.

²⁴Emaara yanaathanu yaareereliwe epuumba ya Axeri, nihimo ti nihimo.

²⁵Elapwaaya yaarino isidade iya: oHelekati, oHali, oBeteni, wAkexafi,

²⁶wAlameleki, wAmeyadi ni oMixehali. Mpatta ninkela nsuwa mwiinano waaphiya oKaremeli ni oXihori-Libenati.

²⁷Okhuma vaavaale waakottoombela mpatta ninkhuma nsuwa wookela oBeti-Gagoni, ophiyaka oZebuloni ni nreyareya na wEfita-Eli, onarowa mpatta wa ottuttuwani wookela oBeti-Emeki ni oNeyiheli, oviraka moono muthiyana wa oKabuli.

²⁸Waarowa wEbroni, oRehobi, oHamoni, oKana, mpakatho oSidoni Etokweene.

²⁹Vahoolowaya mwiinano waahokoleela oRama, orowaka esidade yoolipihiwaxa ya oTiro, waakottoombela oHosa, onakotela mphareiya mulaponi mwa wAkezibi,

³⁰wUma, wAfeki ni oRehobi. Saari isidade miloko miili ni piili ni mittetthesaya.

³¹Vano isidade iye ni mittetthesaya saari yoohiyeriwa ya epuumba ya Axeri, nihimo ti nihimo.

³²Emaara yanaathannamosa yaareereliwe epuumba ya Nafitali, nihimo ti nihimo.

³³Mwiinanowaaya waakhumme oHelefi ni mwiri mutokotoko wa oZahananimi, oviraka wAdami-Nekebi ni oYabeneyeli opwahereraka mpaka oLakumi, onakotela muYordanu.

³⁴Mwiinano waarowa mpatta ninkela nsuwa oviraka wAzenoti -Tabori mpaka oHukoki. Waaphiya mpatta wa ohitto wa oZebuloni, mpatta ninkela nsuwa wa wAxeri ni oYordanu mpatta ninkhuma nsuwa.

³⁵Isidade soolipihiwaxa saari oZidimi, oZeri, oHamati, oRakati, oKineroti,

³⁶wAdama, oRama, oHazori,

³⁷oKedexi, wEdereyi, wEni-Hazori,

³⁸oYironi, oMigedal-Eli, oHoremi, oBet-Anati ni oBeti-Xemexi. Saari isidade muloko niithanniixexe ni mittetthesaya.

³⁹Vano isidade iye ni mittetthesaya saari yoohiyeriwa ya epuumba ya Nafitali, nihimo ti nihimo.

⁴⁰Emaara yanaathannapiili yaareereliwe epuumba ya Dani, nihimo ti nihimo

⁴¹Elapo ya yoohiyeriwaaya yaarino isidade iya: oZoreya, wExtawoli, wIri-Xemexi,

⁴²oXahalabini, wAyaloni, oYitela,

⁴³wEloni, oTimena, wEkeroni,

⁴⁴wEleteke, oGibetoni, oBahalati,

⁴⁵oYehudi, oBene-Beraki, oGati-Rimoni,

⁴⁶oMe-Yarekoni, oRakoni ni elapo eri ohoolo wa oYafa.

⁴⁷Wa soothesene, epuumba ya aDani yaakhalano makacamiho ookuxano elapwaaya, tivawo yaawanenlaaya oLexemi, enawina, ewiivaka amaki a weiwo ni ekatana enaakamela. Yaahiitekihasa muLexemi, enattehamo oDani, nsina na nikholonaya.

⁴⁸Vano isidade iye ni mittetthesaya saari yoohiyeriwa ya epuumba ya Dani, nihimo ti nihimo.

⁴⁹Emalihakaru okawa ilapo mipatta mipatta ni nyiinanosaya, aYixrayeli yaamvahasa Yoxuwa, mwaana mulopwana a Nuni, yoohiyeriwa variyariwayasa,

⁵⁰ntoko Yave aalamulenlaawe. Yaamvaha esidade aavekenlaawe — oTimenati-Sera, mmanyaakoni sa wEfrayimi. Vano aaraselawo esidade, iitekihaka.

⁵¹Saari ilaposene seiye musaserdoti* Eleyazari, Yoxuwa, mwaana mulopwana a Nuni, ni mapwattapwattha a mahimo a ipuumba sa Yixrayeli yaakawannaaya mooreereliwani oXilo vamaithoni wa Yave, vamulako wa Eheema ya Muthukumano*. Hiiho yaamaliha okawana elapo.