Read Makhuwa-Shirima Yoxuwa 20 Bible Online

Yoxuwa 20 - Makhuwa-Shirima bible

Yoxuwa 20

¹Vano Yave aamweerela Yoxuwa:

²“Mwaaleele aYixrayeli weera ethoonyere isidade sootthawela, ntoko koolamulenlaakani mwa Moisesi.

³Hiiho yoowo anaamwiive mutthu woohilakela mweerisani, atthawelemo iixaakihaka mwa nakukuttula ohononeliwe.

⁴Aatthawelaka hiihaale emoha ya isidade iye, eemeleke vamulako wa esidade ni aathalihereke mulattu owo asitokweene a esidade eyo. Awosa emwaakheleke ni emvaheke nipuro nookhala variyariwayasa.

⁵Vano, nakukuttula ohononeliwe amuttharelela, asitokweene ehimwinnyerereke, niwoko omwiivale mukhwaawe mweerisani, woohinthowa ni woohilakela.

⁶Vano, owo apwaherereke okhala esidade eyo mpaka ophiya nihuku na nthorihelo vamaithoni wa muthukumano ni mpaka okhwa wa mutokweene a asaserdoti* anaarumeeleke ehuhuweene yeeyo. Vahoolowaya ahokoleeleke owannyawe esidade aatthangwaawe.”

⁷Hiiho yaathanla oKedexi, oGalileya mmanyaakoni sa oNafitali, oXekhemi mmanyaakoni sa wEfrayimi ni oKiriyati-Arba (eyo tiiyo oHeberoni) mmanyaakoni sa oYuda.

⁸Mpatta ninkhuma nsuwa wa oYordanu waattamela oYeriko yaathanla oBezeri munikareni vamwaako ori mweelaponi ya epuumba ya oRubeni, oRamoti oGiliyade, mweelaponi ya epuumba ya Gadi ni oGolani, oBaxani, mweelaponi ya epuumba ya Manaxe.

⁹Akhalaru muYixrayeli hoye hoye namarwa omanke variyariwaya eera amwiive mutthu woohilakela atthaweleke yakhalaru esidade emoha ya iye soothanliwa weera oopowe mwa nakukuttula ohononeliwe nihinaaye ophiyera nthorihelo vamaithoni wa muthukumano.